နာမည်ငှါးစား မိတ္ထူပွား

ဒီ​​နေ့​​တော့ နာမည်ငှါးစား မိတ္ထူပွား​တဲ့ စီးပွားရေး ​အ​​ကြောင်းလေး ​ပြောပြချင်ပါတယ်။

ဖ​ရန်ချိုက်စ် Franchise လုပ်ငန်းလို့ ​အများက သိကြပါတယ်။ နားလည်လွယ်အောင် KFC ကြက်​​ကြော် စီးပွားရေးကို ဥပမာ ထားပြီး ရှင်းပြပါရ​စေ။

KFC ကြက်​​ကြော်ဟာ ကမ္ဘာတစ်လွှားမှာ နာမည်​​ကျော်ကြား လူကြိုက်များ​လှပါတယ်။ ဆီ​​ကြော်​စာတွေမို့ ကျန်းမာရေး​နဲ့ မညီညွတ်လှ​ပေ​မဲ့ လျှို့ဝှက်​အမွှေး​အကြိုင် ၁၁ မျိုး​နဲ့ စီ​မံထား​တဲ့ KFC ကြက်​​ကြော်ဟာ အခြားကြက်​​ကြော်​တွေ​နဲ့ မတူပဲ တစ်မူထူးခြားကွဲပြားပြီး ​အရသာရှိလှတာ​​ကြောင့် ​အားပေးသူ များပါတယ်။

ကြက်​​ကြော်​​ ရောင်းချင်​တဲ့သူ တစ်ယောက်ဟာ ကိုယ်ပိုင်နာမည်​နဲ့ ကြက်​​ကြော်ဆိုင်ဖွင့်ရင် အောင်မြင်ဖို့ မ​သေချာ​ပေ​မဲ့ KFC နာမည်ကို ယူသုံးပြီး KFC ​ရဲ့ ​​​ဖော်မြူလာ​​​ ကြော်နည်း​အတိုင်း ​​ကြော်ပြီး​​ရောင်းရင်​​တော့ အောင်မြင်နိုင်​ခြေ ပိုများပါတယ်။ လူသိများပြီးသားဆို​​တော့ ဈေးကွက်မှာ ထိုးဖောက်ဖို့ ပိုလွယ်တာ​​ပေါ့။

ဒါ​ပေ​မဲ့ FKC နာမည်ကို ယူသုံးချင်တိုင်း ယူသုံးလို့ မရပါဘူး။ နာမည်ယူသုံးပြီး ဆိုင်ဖွင့်ချင်​တဲ့ သူက KFC မူပိုင်ပင်ရင်း ကုမ္ပဏီဆီကို လျှောက်လွှာတင်ရပါတယ်။ ​ငွေရေး​ကြေးရေး ​​တောင့်တင်းပြီး စားသောက်ဆိုင်လုပ်ငန်း ​အ​​တွေ့​အကြုံရှိ​တဲ့သူ​တွေကို ဦးစားပေးပြီး လုပ်ခွင့်ပေးပါတယ်။ ​သေချာစိစစ်ပြီး သင့်​​တော်မယ်ထင်မှ ဖ​ရန်ချိုက်စ်ကို ချပေးတာပါ။ လူတိုင်းကို ချမပေးပါဘူး။ သူတို့ဆီက ဖ​ရန်ချိုက်စ်ယူချင်​တဲ့သူ​တွေကလည်း များတာကိုး။

နာမည်ယူသုံး​ခ​အ​နေ​နဲ့ KFC မူပိုင်ပင်ရင်း ကုမ္ပဏီကို ​​ အရင်ဆုံး အခကြေး​ငွေပေးရပါတယ်။ ဘယ်လို ​​ကြော်ရမယ်၊ ဘယ်လို ​​ရောင်းရမယ် စသဖြင့် KFC ​စံချိန်မီ ဆိုင်တစ်ဆိုင်ဖြစ်လာအောင် KFC က​နေ သင်တန်းပေး ​အကူ​အညီ ပေးမှာပါ။ ​​​ကြော်​​လှော်ဖို့ မီးဖို​​ချောင် ပစ္စည်း​တွေ၊ ဟင်းခတ်​အမွှေး​အကြိုင်​တွေ၊ လင်ပန်း​တွေ၊ ​ငွေပေး​ချေစက်​တွေ ​အားလုံးကို KFC က​နေ တိုက်ရိုက်ဝယ်ယူ ပုံတူကူးခွင့်ရမှာပါ။ အဲဒါ​အတွက်​​တော့ KFC ကို ငွေ​တွေ ထပ်ပေးရ​ပြန်ပါတယ်။

ဆိုင်ဖွင့်ပြီးလို့ ​​ရောင်းရ​ငွေထဲက ၅% လောက်ကို KFC မူပိုင်ပင်ရင်း ကုမ္ပဏီကို နာမည်ငှါး မိတ္ထူပွားခ​အ​နေ​နဲ့ လစဥ် ပေးသွင်းရပါသေးတယ်။ ​​​KFC ကြက်​​ကြော် ကြော်ငြာခ​တွေကိုလည်း ​အချိုးကျ ပေးရမှာပါ။

ဒီ​​​​တော့ ဖ​ရန်ချိုက်စ်လုပ်ငန်းဟာ KFC မူပိုင်ပင်ရင်း ကုမ္ပဏီ​အတွက်က​​တော့ ​​တော်​​တော် ​အလုပ်ဖြစ်ပါတယ်။ နာမည်ငှါး မိတ္ထူပွားခ​တွေ၊ သင်​တန်းပေးခ​တွေကို လစဥ် ​သဲ့ယူ​နေနိုင်ပါတယ်။

ဖ​ရန်ချိုက်စ်ယူ​တဲ့သူ​တွေ​အတွက်လည်း အကျိုး​အမြတ်​တွေ ရှိပါတယ်။ နာမည်ကြီးပြီးသား ကြက်​​ကြော်ကို ​​ရောင်းတာမို့ ဈေးကွက်မှာ စားသုံးသူ​တွေ များမယ်။ ​မြတ်နိုင်​ခြေများမယ်။ KFC က ​ဆိုင်တစ်ဆိုင်လုံး​အတွက် အစ​အဆုံး သင်​တန်းပေးပြီး လိုအပ်တာ​တွေ စီစဥ်ပေးတာမို့ ​​ခေါင်းသိပ်မစားရ​​တော့ပါဘူး။

ဒါ​ပေ​မဲ့ ဖ​ရန်ချိုက်စ်ယူ​တဲ့​အတွက် မ​​ကောင်း​တဲ့ ​အချက်​တွေလည်းရှိပါတယ်။ ဖ​ရန်ချိုက်စ်ယူခ ပေးရ​တဲ့ ​အခကြေး​ငွေ​တွေက များလှပါတယ်။ ကိုယ်ပိုင် နာမည်​နဲ့ဆို ​အမြတ်ရသမျှ ကိုယ့်​အတွက်၊ ခု​​တော့ ​အမြတ်​တွေကို သူများကို ခွဲပေး​နေရပါတယ်။ နောက်ပြီး ကိုယ်လုပ်ချင်တိုင်း လျှောက်လုပ်လို့မရပါဘူး။ ​​​ရောင်းချင်တာ​တွေကို ​အသစ် တီထွင်ပြီး တင်​​ရောင်းလို့မရပါဘူး။ KFC က ခွင့်ပြုထားတာ​တွေကိုပဲ ​​ရောင်းရတာပါ။

​အချုပ်​​ပြောရရင် ဒီ​​​​ ဖ​ရန်ချိုက်စ် စီးပွားရေးမှာ ​ဝင်​ငွေ ရပေါက်ရလမ်း ၂ မျိုး​​ ရှိပါတယ်။

(၁) ကိုယ့်​ရဲ့ စီးပွားရေးလုပ်ငန်းတစ်ခုကို အောင်မြင်အောင် ​အရင်လုပ်ပါ။ ဥပမာ KFC လိုမျိုး​ပေါ့။ နိုင်​ငံ​​ကျော်သွားပြီဆို သူများ​တွေကို ဖ​ရန်ချိုက်စ်ပေးပြီး လုပ်စားလို့ရပါပြီ။ ​နာမည်တစ်ခု အောင်မြင်ဖို့​​တော့ အချိန် နှစ်​​ပေါင်းများစွာ ရင်းရပါမယ်။

(၂) အောင်မြင်ပြီးသား စီးပွားရေးလုပ်ငန်းတစ်ခု​ရဲ့ နာမည်ကို ဖ​ရန်ချိုက်စ်ယူ၊ ငွေ​အလုံး​အရင်းလိုက်သုံးပြီး စီးပွားရေးလုပ်ငန်းတစ်ခု ​အလွယ်တည်ဆောက်ဖို့ပါ။ ​အချိန်သိပ်မပေးရပါဘူး။ ​ငွေ​​​​တော့ ​အ​​တော်ရင်းရမှာပါ။

နှစ်မျိုးလုံးဟာ လုပ်တတ်ရင် တစ်မျိုးစီ ကိုက်ပါတယ်။ ယုံကြည်စိတ်ချရ​တဲ့ လက်ထောက်​တွေ​နဲ့ လွှတ်ထားလို့ရရင် ဒါဟာ ​အထိုင်ဝင်​ငွေပါပဲ။ အိမ်မှာ ဒူးနှံ့​နေလည်း ​ငွေဝင်​နေမှာ​​ပေါ့။

ဒါက​​တော့ နာမည်ငှါးစား မိတ္ထူပွား​​တဲ့ ဖ​ရန်ချိုက်စ် စီးပွားရေး​အ​​ကြောင်း တ​​စေ့တ​​စောင်းပါ ခင်ဗျာ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်