ပျောက်​နေတဲ့ ပြိုင်ကား

​လူပျိုကြီးတစ်​ယောက်နဲ့ ​အပျိုကြီးတစ်​ယောက်​တို့ဟာ ရည်းစားမကျ သူငယ်ချင်းမကတဲ့​ အ​ခြေ​အ​နေ၊ တစ်​ယောက်ကို တစ်​ယောက် ​​စောင့်ကြည့် ​လေ့လာဆဲ၊ ပညာစမ်း​နေဆဲ ကာလ​ပေါ့။ မ​ဟော်သဓာက ​လက်​သီး​​ထောင်ပြ​တော့ အမရာက လက်​ဝါး​​ပြန် ​​ထောင်ပြတဲ့ ​အ​ခြေ​အ​နေမှာ​ပေါ့။

သူတို့ စကား​ပြော​နေကြပါတယ်။

မ - ရှင် ကွမ်းစား၊ ​ဆေးလိပ်​သောက်၊ ​အရက်​​သောက်​နေတာ ဘယ်နှစ်နှစ်​လောက်​​တောင် ​ရှိပြီလဲ။

ကျား - ၁၅ နှစ်​လောက်ရှိပြီ။

မ - (ကွမ်း၊ ​ဆေးလိပ်၊ ​အရက်​​ ကုန်​ကျစရိတ်​တွေကို ​သေချာ​မေးပြီး) ရှင်သာ ​၁၅ နှစ်လုံးလုံး ကွမ်း၊ ​ဆေးလိပ်၊ အရက်​​အတွက်​ ​ငွေမဖြုန်းပဲ အဲဒီ​ငွေ​တွေကို ရင်းနှီးမြှုပ်​နှံထားလိုက်ရင် ခု​လောက်ဆို ရှင် ပြိုင်ကား တစ်စီး​လောက် စီးနိုင်​နေ​လောက်ပြီ။ ရှင် သိဖို့။

ကျား - ဪ ​အေး။ ခင်ဗျား​ရော ကွမ်းစား၊ ​ဆေးလိပ်​သောက်၊ ​အရက်​​သောက် လုပ်လား။

မ - အို မဟုတ်က ဟုတ်က ရှင်။ ဒါမျိုး​တွေ ​ဝေး​ဝေး​က ​ရှောင်တယ်။

ကျား - ဪ ​ဟော်​ဟော်... ခင်ဗျားလည်း ကျွန်​တော့်​လောက် ဝင်​ငွေရှိတာပဲ​လေ။ ကွမ်း၊ ​ဆေးလိပ်၊ ​အရက်​ဖိုးမကုန်​ဘူးဆို​တော့ ဘယ်မလဲ ခင်ဗျားရဲ့ပြိုင်ကား။ မ​တွေ့မိလို့ပါ။ ဟဲ ဟဲ။

နိုင်​ငံခြားဟာသ​လေးကို ဆီလျော်​အောင် ​မြန်မာမှုပြု ထားတာပါ။

​အပျိုကြီးက လူပျိုကြီး ​ငွေဖြုန်းတဲ့ ကိစ္စကို ​ဝေ​ဖန်လို့ လူပျိုကြီးက ​ပြန်ဖဲ့တာပါ။ ဟုတ်တယ်​လေ။ ဒါ​တွေ မဖြုန်းပဲ ​အပျိုကြီးက ခုထိ ဘာလို့ ပြိုင်ကားကို ဝယ်မစီးနိုင်ရ​သေးတာတုန်း။

​အ​ဖြေက​တော့ ​အပျိုကြီးလည်း ဖြုန်း​နေတာ​လေး​တွေ ရှိလို့​ပေါ့။ မိတ်ကပ်​နဲ့ ​အလှပြင် ပစ္စည်း ​အ​​ကောင်းစား​တွေ ဝယ်ရတယ်။ ​မျက်​နှာ​ ​​ပေါင်းတင်၊ လက်​သည်း​ခြေသည်းဆိုး လုပ်ရတာ ​အ​မော။ ​အမက နုတယ်​နော် လို့ ​အ​ပြော​ခံရရင် ကြည်နူးပီတိ ဂွမ်းဆီထိ။

အဝတ်​အစား၊ ဖိနပ်၊ အိတ်​တွေဆိုတာ ​​တောင်ပုံရာပုံ။ ​အဝတ်ကို နှစ်ခါ​လောက်ဝတ်ပြီးရင် ထပ်မဝတ်ချင်​တော့ဘူး။ မိန်းက​လေး​ အချင်းချင်း သူက ဘာဝတ်ထားလည်းဆိုတာ လိုက်လိုက်ကြည့်ရ။ ကိုယ့်ဆီမှာ မရှိ​သေးရင်​တော့ လိုချင်တာ​ပေါ့လို့။ သူများ​တွေ ​ကျောတာ​တော့ မ​ခံနိုင်ပါဘူး​နော်။

​ဗေဒင်ကလည်း သွားသွားတွက်​ရ​သေးတယ်။ ယတြာဖိုး​တွေကလည်း မနည်းဘူး​လေ။

​အစားဆိုရင်လည်း ​​တွေ့တဲ့​နေရာမှာ ဝယ်စားလိုက်ရမှ။ ​လူမှုကွန်ရက်​​တွေမှာ ဓာတ်ပုံတင်ကြွားဖို့ ​ဈေးကြီးတဲ့ဆိုင်​တွေမှာ စားမ​​ကောင်းလည်း ထိုင်ရ၊ ပုံ​အလှ​လေး​တွေ မရမချင်း ​အထပ်ထပ်ရိုက်။ စား​သောက်လို့ ပိုက်​ဆံကုန်ပြီး​တော့ ဝိတ်​လျှော့ဖို့ ပိန်​ဆေးဖိုး နဲ့ ​အားကစားလုပ်ခ ကုန်​ပြန်​ရော။

ခရီးထွက်​၊ ရုပ်ရှင်ကြည့်၊ ဘာညာ အခြား​အခြား​သော ​အဖြုန်း​လေး​တွေကလည်း သူ့​နေရာနဲ့သူ ​အကွက်​ကို ​စေ့လို့။ ဒါ​လေး​တွေ​​ကြောင့် ပြိုင်ကားဆိုတာ မူးလို့ ရှူစရာ​​တောင် မရှိဘူး​ပေါ့။

ဒီလူပျိုကြီးနဲ့ ​အပျိုကြီး ​အတွဲကို​တော့ "🎵 နဖူး​ပေါ်လက်​တင် စဉ်းစားလိုက်ရင် ငါ​လေရင်​မောတယ်" ​ပေါ့။

ကဲ ကျွန်​တော်တို့လည်း ကျွန်​တော်တို့ရဲ့ ပြိုင်ကား ဘယ်ကို​ပျောက်သွားလဲဆိုတာ စဉ်းစားလိုက်ကြပါဦးစို့ ခင်ဗျာ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်