ကြွေးပူ​ရင် လုပ်ရမယ့် ​အချက်​ ၆ ချက်​

​​ကြွေးပူ​တွေ​​ကြောင့် စိတ်ညစ်ရတာ ကျွန်​တော်တို့ မိသားစု​အတွက်​​ သိပ်မဆန်းခဲ့တဲ့ ​အ​တွေ့​အကြုံ တစ်ခုပါ။ ​​အကြွေး​တွေ​​ကြားထဲမှာ ကာလ​ အ​တော်ကြာ လုံးလည်ချာလည် လိုက်ခဲ့ရပါတယ်။ ​

ဒီ​တော့ ​ကြွေးပူ​​​ကြောင့် ​သောက​ရောက်​နေတဲ့သူ​တွေကို ကိုယ်ချင်းစာပါတယ်။ ​အစစ ​အရာရာ​နောက်ကျ၊ ဝင်​ငွေနည်းပြီး ​အလုပ်​အကိုင်ရှားပါးတဲ့ ကျွန်​တော်တို့နိုင်​ငံမှာမှ ​ကြွေးပူ​​ကြောင့် ဒုက္ခ​ရောက်​နေ​သူ​တွေ ရှိတာ​တော့ မဟုတ်ပါဘူး။ တိုးတက်​လှပါတယ်ဆိုတဲ့ ​အ​မေရိ​ကန်ပြည်​​ထောင်စုတို့ စင်ကာပူတို့မှာလည်း ဒီလို ​ကြွေးပူမိ​နေတဲ့​သူ​တွေ ​အများ​အပြား ရှိပါတယ်။ ​မြန်မာနိုင်​ငံမှာ​တော့ ဒီလို ​အပူမိ​နေတဲ့သူ ပိုများတာ​ပေါ့။ ​

​ကြွေးပူမိ​နေပြီဆို အ​ကြွေး​တွေ​ကျေဖို့ ဘယ်လိုလုပ်ရမလဲ ​အားလုံး သိချင်ကြမှာပါ။

ဟုတ်ကဲ့။ ​ကြွေးပူ​တွေကင်းဖို့ စိတ်ဓာတ်၊ စည်း​ကမ်းနဲ့ ပညာ ရှိဖို့လိုပါတယ်။

စိတ်ဓာတ် - "ငါ ​အ​ကြွေးကင်းဖို့ မဖြစ် ဖြစ်​အောင် ​အစွမ်းကုန်ကြိုးစားမယ်" ဆိုတဲ့ စိတ်ဓာတ်၊ ​အ​ကြွေးထပ်ယူရမှာကို မုန်းတီး ရွံရှာ ရှက်​​ကြောက်တဲ့စိတ်ဓာတ်ပါ။

စည်းကမ်း - အ​ကြွေး​ကျေဖို့ ​အတွက်​ လိုက်နာရမယ့် ​အချက်​​တွေကို စည်းကမ်းရှိရှိ တ​သွေမတိမ်း လိုက်နာ ကျင့်သုံးတတ်တဲ့ စည်းကမ်းပါ။

ပညာ - ​အ​ကြွေး​ကျေဖို့ ​အတွက်​ ဘာ​တွေ လုပ်ရမလဲ ဆိုတဲ့ ​အချက်​​တွေကို တတ်သိ နားလည်တဲ့ ပညာပါ။ ကျွန်​တော် ​အခု ဆက်​ပြီး​ရေးပြ​ပေးမယ့် ​အချက်​​တွေ ဖြစ်ပါတယ်။

ပညာ တစ်ခုတည်းနဲ့​တော့ ​အ​ကြွေး မ​ကျေနိုင်ပါဘူး ခင်ဗျာ။ ဘာလို့လည်းဆို​တော့ ကျွန်​တော်​ရေးပြတာ​တွေဖတ်ပြီးချိန်မှာ "ဟာ ပိုးစုန်းကြူးရာ။ ခင်ဗျား ​ပြောတာ​တွေ ​အားလုံး ကျုပ် သိပြီးသား​တွေပါ။ ဒါ​ပေမဲ့ ​အ​ကြွေး​တွေလဲ မ​ကျေပါဘူးဗျာ။ ပို​​တောင် တိုးလာ​သေး။ အာပလာ​တွေပါ။" လို့ ​ပြောမယ့်လူ​တွေ ရှိပါလိမ့်မယ်။ ဒီလူ​တွေဟာ ပညာသာသိပြီး စိတ်ဓာတ်နဲ့ စည်းကမ်းပိုင်းမှာ လိုအပ်​နေ​သေးလို့ ဖြစ်ပါတယ်။ ​အ​ကြွေး​ကျေချင်ရင်​တော့ စိတ်ဓာတ်၊ စည်း​ကမ်းနဲ့ ပညာ သုံးခုလုံး ရှိ​နေဖို့လိုအပ်ပါတယ် ခင်ဗျာ။

ကဲ စိတ်ဓာတ် နဲ့ စည်းကမ်းကို ပြင်ဆင်ထားပြီးပြီဆိုရင်​တော့ ​ကြွေးပူ​တွေ လက်​ကလွတ်ချင်ရင် ဒါ​တွေ လုပ်ပါ ခင်ဗျာ။

(၁) လက်​ရှိ ​အ​ခြေ​အ​နေ ကိုသုံးသပ်ပါ။

- လက်​ရှိ ​တင်​နေတဲ့ ​အ​ကြွေးစုစု​​ပေါင်းကို တွက်​ပါ။
- လက်​ရှိ​ပေး​နေရတဲ့ ​တစ်လစာ ​အတိုး စုစု​​ပေါင်းကိုတွက်​ပါ။
- လက်​ရှိ တစ်လဝင်​ငွေ စုစု​​ပေါင်းကို တွက်​ပါ။
- လက်​ရှိ တစ်လ ​အသုံးစရိတ် ကုန်ကျ​ငွေကို တွက်​ပါ။ ကျန်းမာ​ရေး နဲ့ သာ​ရေးနာ​ရေးကုန်ကျ​ငွေကိုပါ ​ထည့်တွက်​ပါ။ (​ပေးရတဲ့ ​အတိုး​တွေကို ​ထည့်မတွက်​ပါနဲ့။)

​တစ်လဝင်​ငွေ က (အသုံးစရိတ် +​ အတိုး) ထက်​ များ​နေတယ်ဆိုရင်​တော့ သင့်​အ​ခြေ​အ​နေသိပ်
မဆိုးလှ​သေးဘူး လို့​ပြောပါရ​စေ။ ​​အ​ကြွေး​တွေ​ကျေဖို့ သိပ်မခက်​လှ​တော့ပါဘူး။

​တစ်လဝင်​ငွေ က (အသုံးစရိတ် +​ အတိုး) ​အောက် နည်း နေတယ်ဆိုရင်​တော့ ​ရေရှည်မှာ ဒီ့ထက် ​ပိုဆိုးဖို့ရှိ​နေပါတယ်။ စိတ်ဓာတ်ခိုင်ခိုင်၊ စည်းကမ်းရှိရှိ နဲ့ ကြံ့ကြံ့ခိုင် ​ဖြေရှင်းဖို့ ​အား​မွေးထားလိုက်ပါ။ ​စိတ်မပူပါနဲ့။ ကျွန်​တော်တို့ မိသားစုလည်း ဒီ​အ​ခြေ​အ​နေက တက်​လာတာပါ။ ​အ​ကြွေး​​တွေ​ကျေဖို့ ​အချိန်ကြာတတ်​ပေမဲ့ ခုပြင်မှ ​​နောင်စိတ်ချမ်းသာရမှာပါ။ စိတ်မ​လျှော့ပါနဲ့။

ဘာဆက်​လုပ်ရမလဲ ဆိုတာ ​နောက်ထပ် ​အချက်​​တွေကို ဖတ်​ပေးပါ။

(၂) ​အတိုးနှုန်းကို ​လျှော့ချပါ။

ခု​ပေး​နေရတဲ့ ​အတိုးနှုန်း​တွေက ​မ​တန်တဆများ​နေပြီ ဆိုရင်​တော့ ​အတိုးနှုန်းကို ​လျှော့ချဖို့ လိုအပ်​နေပါပြီ။ ​အတိုးနှုန်း ​လျှော့ချနိုင်မယ့် နည်း​တွေကို ​ဖော်ပြ​ပေးလိုက်ပါတယ်။ ​အ​ပြောလွယ်သ​လောက် ​အလုပ်ခက်​ပါတယ်။ ​ကျွန်​တော် ခု ​ပြောထားတာ​တွေ ​အားလုံးက​တော့ ​အလုပ်ဖြစ်ချင်မှ ဖြစ်ပါလိမ့်မယ်။ ​အ​ခြေ​အ​နေ ​အရပ်ရပ်​ပေါ် မူတည်ပါလိမ့်မယ်။ ဒါ​ပေမဲ့ ကြိုးစားကြည့်တာ မမှားပါဘူး။ ရရင် ​အမြတ်​ပေါ့။

- ​နေ့​ပြန်တိုး ​တွေဟာ လတိုး​တွေထက်​ ​အတိုးများတာဖြစ်လို့ ဖြစ်နိုင်ရင် လတိုးနဲ့ ​ချေးလို့ရမယ့်​သူ​တွေဆီက ​ပြန်​​ချေးပြီး ​နေ့​ပြန်တိုး အ​ကြွေး​တွေကို ကုန်​အောင် ဆပ်လိုက်ပါ။

- ​အလွတ်တိုးနှုန်းဟာ တစ်ခုခု ​​ပေါင်​နှံပြီး ​ချေးတဲ့ ​အတိုးနှုန်းထက်​ များတာဖြစ်လို့ ​​​ပေါင်စရာ အိမ်​၊ ​ခြံ၊​မြေ၊ လက်​ဝတ်ရတနာ စတဲ့ ​အဖိုး​​တန် ပစ္စည်း​တွေ ရှိရင် ​အတိုးနှုန်း နည်းနည်းနဲ့ ​​ပေါင်​နှံပြီး ​အတိုးများတဲ့ ​အ​ကြွေး​တွေကို ​အရင် ဆပ်လိုက်ပါ။ မ​ပေါင်ပဲ ​ ​​ရောင်းပြီး ​အ​ကြွေးဆပ်လို့လည်း ရပါတယ်။

- ​အခု​နောက်ပိုင်း ​အတိုးနှုန်းသက်​သာတဲ့ ​အ​သေးစား ​​ငွေ​ချေးလုပ်ငန်း (Micro-finance) ကုမ္ပဏီ​တွေ ​ပေါ်လာပါပြီ။ အဲဒီက​နေ ​ချေး​ငွေယူပြီး ရက်​ကွက်​ထဲက ​အတိုးကြီး​ပေး​နေရတဲ့ ​အ​ကြွေး​တွေ ဆပ်လိုက်ပါ။

- ​အတိုးကြီးယူထားတဲ့ ​အ​ကြွေးရှင်နဲ့ ​ပြန်​ဆွေး​နွေးပါ။ ဘယ်​တော့ ဘယ်​လောက်​ပြန်ဆပ်နိုင်မယ်ဆိုတာ ​အစီ​အစဉ် ဆွဲပြပြီး ​အတိုးနှုန်းကို ​လျှော့​ပေးဖို့ ညှိနှိုင်းကြည့်ပါ။ မ​ပေး​တော့ဘူးဆိုပြီး ဘူး​ခံငြင်းတဲ့သူ​တွေထက်​ ဒီလိုလာညှိနှိုင်းတဲ့ ​သူ​တွေကို ​အ​ကြွေးရှင်​တွေက ပိုသ​ဘောကျကြပါတယ်။ ​ငွေ ဆုံးမှာနဲ့ စာရင် ​အတိုး​လျှော့ရတာက ​တော်​သေးတာ​ပေါ့ဆိုပြီး ​လျှော့​ပေးချင် ​လျှော့​ပေးပါလိမ့်မယ်။

(၃) ​အတိုးနှုန်း အများဆုံး ​အ​ကြွေးကို ​အရင်ဆပ်ပါ။

(၄) ဝင်​ငွေကို တိုးမြင့်​အောင် လုပ်ပါ။

(၅) ​အသုံး စရိတ်ကို ​လျှော့ချပါ။

ဝင်​ငွေတိုး​အောင် နဲ့ ​အသုံးစရိတ် လျော့ကျ​အောင်ဘယ်လိုလုပ်ရမလဲ ဆိုတာကို ​နောက်ပိုင်း ​ရေး​ပေးသွားပါဦးမယ်။

(၆) သင်ခန်းစာယူပါ။

​အ​ကြွေးဘာ​​ကြောင့် တင်ခဲ့ရတယ် ဆိုတာကို ​ပြန်စမ်းဆစ်ပြီး သင်ခန်းစာယူပါ။ ​နောက်ဒီလို ထပ်မဖြစ်​အောင် ဘယ်လို ကာကွယ်ရမလဲ စဉ်းစားပါ။ ဒီလို ​အဖြစ်မျိုး ထပ်မဖြစ်​အောင် ကာကွယ်ပါ။ ​

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်