ကြွေးသံသရာက ငရဲကြီး (၄) ထပ်

လိုင်း​​ပေါ်မှာ ​ကြွေးပူ​နေတဲ့သူ ​အ​တော်များများနဲ့ ​ဆွေး​နွေးဖြစ်ပြီး အ​ကြံ​ပေး​ဖြစ်ပါတယ်။

​အဖြစ်အပျက်​​လေး​တွေကလည်း ဆင်တူကြတာများပါတယ်။ ​အ​ကြွေး​တွေများ ​အတိုး​တွေပွားပြီး "တယ် ​ကံဆိုးတဲ့ ငါပါလား၊ ငါ့​လောက်​ ကံဆိုးတဲ့သူ မရှိနိုင်​တော့ဘူး။ ​သေ​တာမှ ​အေးဦးမယ်" လို့ ​​တွေးကြပါတယ်။ ဒီလို​တွေးတဲ့ သူ​တွေကလည်း တစ်​​ယောက် မဟုတ်၊ နှစ်​ယောက် မဟုတ်၊ အ​တော် များပါတယ်။ ပြောချင်တာက ​အားတင်းထားကြပါ။ ဒုက္ခ​​ရောက်​နေတာ ကိုယ်တစ်​ယောက်တည်း​ မဟုတ်ပါဘူး။ ဒီ ဒုက္ခ​တွေက​နေ လွတ်​အောင် ရုန်းလို့ ရပါတယ်လို့ ​အား​ပေးချင်ပါတယ်။

​လူတိုင်း ကြွေး​ကျေချင်ကြပါတယ်။ ​​အကြွေး​​ကြောင့်  ဖြစ်​​ပေါ်လာရ​တဲ့ သောက​တွေ ပျောက်ချင်ကြပါတယ်။ ​ကြွေး​သံသရာ ထဲက လွတ်ချင်ကြပါတယ်။ ဒါ​ပေမဲ့ ဘာလုပ်ရမှန်း မသိတာ​​ကြောင့်ရယ်၊ ​ငွေ​ရေးကြေးရေး ပညာရပ်မှာ အားနည်းတာ​​ကြောင့်ရယ်၊ ​​ရေရှည်ကို မ​တွေးတတ်တာ​​ကြောင့်ရယ်၊ အ​​ကြောင်း​​ကြောင်း​​ကြောင့်ရယ်နဲ့ ​ကြွေး​သံသရာ နွံ​ထဲက ​မထွက်​နိုင်ပဲ နစ်သထက်​ပိုနစ်​နေတာကို ​တွေ့ရပါတယ်။ နား​​ထောင်ရင်း မချိတင်ကဲ ဖြစ်ရပါတယ်။ ကရုဏာလည်း သက်​မိပါတယ်။ ကိုယ်ချင်းလည်း စာပါတယ်။

ဒါ့​​ကြောင့် ​ကြွေး​သံသရာက ငရဲကြီး (၄) ထပ်​အ​​ကြောင်းနဲ့ ​ကြွေး​သံသရာက လွတ်​အောင် ဘာလုပ်ရမလဲဆိုတာ​​တွေကို ​ပြောပြဖို့လိုပြီ ဆိုပြီး ဒီစာကို ​ရေးတာပါ။

ကြွေးတင်​နေပြီဆိုရင်​တော့ ​ဒီစာကို သေချာဖတ်ပြီး လွတ်​မြောက်လမ်းစဉ်ကို လိုက်နာ​ပေးပါခင်ဗျာ။

​လော​လောဆယ် ​အကြွေးမရှိဘူးဆိုရင်လည်း ​အသိပညာ သင်ခန်းစာတိုး​အောင် ဖတ်ထား​စေချင်ပါတယ်။ ​​နောင်တစ်ချိန်မှာ ဒီ ​ကြွေး​သံသရာထဲကို လမ်း​မှားပြီး ​ရောက်မသွား​အောင်ပါ။ ​အထူးသဖြင့် လူငယ်​တွေကို ဖတ်​စေချင်ပါတယ်။ ဘဝမှာ ​အနိမ့်​အမြင့် ​အတက်​​အကျ​တွေ ​အများကြီး ကြုံရဦးမယ်။ ဒီလိုကြုံတဲ့​အခါ ကျွန်​တော်​ရေး​ပေး​နေတဲ့ စာ​တွေကို ဖတ်ထား နားလည်ထားခဲ့ရင်​ အကျိုးရှိမယ်လို့ ​မျှော်လင့်ပါတယ်။

​​​မီးစ ​အ​သေး​အမွှား​လေးကို ​အချိန်မီ ငြှိမ်းသတ်နိုင်မှ မီး​ဘေးကင်းမှာပါ။ ​အချိန်မီ မသတ်နိုင်ရင် တစ်အိမ်လုံး၊  တစ်​လမ်း​လုံး၊ တစ်မြို့လုံးကို မီးက ဝါးမြိုသွားနိုင်ပါတယ်။ ​အ​ကြွေးလည်း ဒီလိုပါပဲ။ ​အချိန်မီ မသတ်နိုင်ရင် ​အတိုး​ပေါ် ​အတိုးဆင့်ပြီး ဘဝပျက်​သွားနိုင်ပါတယ်။

​​ကြွေးပူတွေကို ကျွန်​တော်က ​အဆင့် (၄) ဆင့် သတ်မှတ်ထားပါတယ်။ ​ကြွေး ငရဲကြီး (၄) ထပ်​ပေါ့။

——————————————
​ကြွေးပူ ​အဆင့် (၁) - ပထမ ငရဲ
——————————————

ဒီ​အဆင့်မှာ​တော့ ​အတိုး မ​ပေးရ​သေးပါဘူး။ ​​အရင်းကို ဆပ်ဖို့ ပူ​နေရတာပါ။

အသုံးအဖြုန်းကြီးလွန်းလို့ မိဘ၊ ​ဆွေမျိုး၊ သူငယ်ချင်း၊ ​အသိ​တွေ ဆီက ​ချေးထားတာမျိုးပါ။

​နောက်တစ်မျိုးက​တော့ ကိုယ်​အသုံး ​အဖြုန်းကြီးလို့ မဟုတ်ပဲ ​ကံကြမ္မာဆိုး တစ်ခုခု​​ကြောင့်ပါ။ လုပ်ငန်းမှာ ​အမှားလုပ်မိလို့ စိုက်လျော် ရ​တော့မယ်။ ကား သို့မဟုတ် ဆိုင်ကယ်​နဲ့ တိုက်မိသွားလို့ လျော်ရ​တော့မယ်။ တစ်ခုခု​​ကြောင့် ​အ​ရေးတကြီး စိုက်​ပေးရ​တော့မယ့် ​အ​ခြေ​အ​နေမျိုးပါ။

​အခြား ​မတူတဲ့ အ​​ကြောင်း ​အမျိုးမျိုး ရှိဦးမှာပါ။

တူညီတာ တစ်ခုက​တော့ ဒီ ​အဆင့်မှာ ​အတိုးမ​ပေးရ​သေးဘူး။ ​ချေးထားတဲ့ လူ​တွေက ​ပြန်​​တောင်း​နေကြပြီ။ စိုက်လျော်ဖို့၊ ​အလျော်​ပေးဖို့ စသဖြင့် ​​တောင်း​နေကြပြီ။ ​​ငွေ​ပေးဖို့ လို​နေပြီ။ ​ကြွေးပူ​နေပြီ ​ပေါ့။

ဒီ​အ​ခြေ​အ​နေမှာ လူ​အများစုက ထူပူပြီး ​အမှားလုပ်မိကြပါတယ်။ ဘာလုပ်တာလဲဆို​တော့ ​ရေရှည်ကိုမ​တွေးပဲ အတိုးမ​ပေးရတဲ့ ​ကြွေးပူ​တွေကို ရှင်းဖို့ ​ခုလက်​ရှိ ​အပူ​အေးရင်ပြီး​ရော ဆိုပြီး ​ဘေးက​နေ ​အတိုးနဲ့ ​ငွေ​ချေးတာပါပဲ။ ဒီလိုလုပ်လိုက်တာဟာ ​​ကြွေး​သံသရာထဲက မထွက်​နိုင်​အောင် ဆွဲချလိုက်သလိုပါပဲ။ ဒီလိုနဲ့ ဒီ့ထက်​ပူတဲ့ ​ကြွေးပူ ​အဆင့် (၂) ကို ​ရောက်ကြရပါ​တော့တယ်။

——————————————
​ကြွေးပူ ​အဆင့် (၂) - ဒုတိယ ငရဲ
——————————————

ဒီ ​အဆင့်မှာ​တော့ ​အတိုး​တွေ ​ပေး​နေရပါပြီ။ ဒါ​ပေမဲ့ ​အတိုးကို​တော့ ​မှန်​မှန်သတ်နိုင်တဲ့ ​အဆင့်ပါ။ ရတဲ့ ဝင်​ငွေထဲက ​အသုံးအရိတ်ကို ​ချွေတာပြီး ပိုတဲ့​ငွေနဲ့ ​အတိုးသတ်နိုင်တဲ့ ​အဆင့်ပါ။ ​ဒါ​ပေမဲ့ ​အရင်းကို မဆပ်နိုင်​သေး​တော့ ​ကြွေးရှင်​အချို့က ပူလာပါပြီ။ ​​အရင်း​ပြန်​ပေးပါ​တော့ ဆိုပြီး ​​တောင်းလာပါပြီ။

ဒီ​အချိန်မှာလည်း ​ကြံရာမရဖြစ်ပြီး ​အမှား ထပ်လုပ်ကြ​ပြန်ပါတယ်။ ​အရင်းဆပ်နိုင်ဖို့ ​နောက်တစ်​ယောက်ဆီက​နေ ထပ်​ချေးပါပြီ။ ဒီ​တစ်ခါ​တော့ ​အတိုးနှုန်းက ပို​​တောင်များ​နေပါပြီ။ ၅ ကျပ်တိုးက​နေ ၁၀ တိုး၊ ၁၀ တိုးက ​နေ ၂၀ တိုး စသဖြင့် ​အတိုးပို များပါပြီ။ ဒယ်အိုးထဲမှာ ပူတယ်ဆိုပြီး ခုန်ချတာ မီးထဲတန်း​ရောက်ပါပြီ။

ဒီလိုဖြစ်​​တော့ ​ကြွေးပူ ​အဆင့် (၃) ကို ​ရောက်ပြီ​ပေါ့။

——————————————
​ကြွေးပူ ​အဆင့် (၃) - တတိယ ငရဲ
——————————————

ဒီ ​အဆင့်မှာ​တော့ ​အတိုးနှုန်း​တွေ များတဲ့ အတွက်​ ​​အရင်း မ​ပြောနဲ့၊ အတိုးကို​​တောင် ​မှန်​မှန် မ​ပေးနိုင်​တော့ပါဘူး။ ​​အတိုး​တွေ ရှင်းလိုက်ရင် စားဖို့ မ​ကျန်​တော့ဘူး။ စားဖို့ ​ချန်လိုက်ရင် ​အတိုးသတ်ဖို့ ​မ​​ကျန်​တော့ဘူး ဆိုတဲ့ ​အ​ခြေ​အ​နေပါ။

ဒီ​အဆင့်မှာ​တော့ ​အတိုး​​တောင် မသတ်နိုင်လို့ ​ကြွေးရှင်က ပူလာပါပြီ။ ​အတိုး​ရော ​အရင်းပါ​​တောင်းတဲ့ ​ကြွေးရှင်​တွေ များလာပါပြီ။ ​တော်​တော်ပူ​နေပါပြီ။

ပူလွန်းလို့ ဘာလုပ်လဲ။ ဟုတ်ကဲ့ ပိုပူတဲ့ ​နောက်တစ်ဆင့်ကို ထပ်ဆင်းပါ​တော့တယ်။ ​ကြွေးပူ ​အဆင့် (၄) ပါ။

——————————————
​ကြွေးပူ ​အဆင့် (၄) - စတုတ္ထ ငရဲ
——————————————

​ကြွေးငရဲကြီး (၄) ထပ်မှာ ​အနက်​ဆုံးနဲ့ ​အပူဆုံး ငရဲပါပဲ။ ​အတိုးသတ်ဖို့ကို​​တောင် ​ငွေထပ်​ချေးရပါ​တော့တယ်။ ​​နေ့​ပြန်တိုး​တွေ ပါလာပြီ။ ​

အရင်က ​​အဆင့် (၃) က အ​ကြွေးနဲ့ ​အတိုးကို​​တောင် မဆပ်နိုင်တာ ခု ​အတိုးသတ်ဖို့ ထပ်တင်တဲ့ ​အ​ကြွေးနဲ့ ​အတိုးကို ဘယ်လိုဆပ်မလဲ။ ထပ်​ချေးဖို့ပဲ ရှိတာ​ပေါ့။ ​အ​တော်နက်​တဲ့ ငရဲပါ။ ​

​ကြွေးပူ ​အဆင့် (၁) မှာ  တင်​နေတဲ့ ​အ​ကြွေးထက်​ ဒီ ​အဆင့် (၄) မှာ တင်​နေတဲ့ ​အ​ကြွေးက ​အဆမ​တန်ပိုများ​နေပါပြီ။ ​အတိုး​ပေါ် ​အတိုးဆင့်တာကိုး။ ဒီ ​အဆင့်​ရောက်​နေတဲ့ ​သူ​တွေဟာ ဘာလုပ်ရမှန်း မသိ​တော့ပါဘူး။ ​သေချင်တာပဲ သိပါ​တော့တယ်။ ​အပူ ​အရမ်းကြီးပါတယ်။

ကျွန်​တော်တို့ မိသားစုဟာ ​အဆင့် (၄) ကို ​ရောက်ခဲ့ပြီးမှ ​ပြန်တက်​လာတာပါ။ ​မြန်မာ နိုင်​ငံမှာ ​ကြွေးပူ ​အဆင့် (၄) ငရဲမှာ ဒုက္ခ​ခံ​​နေ ရတဲ့သူ​တွေ မနည်းပါဘူး။ ကိုယ် တစ်​ယောက်တည်း ဖြစ်​နေတာလို့ မထင်ပါနဲ့။ ဒီဒုက္ခ​တွေက လွတ်​မြောက်ဖို့ နည်းလမ်းလည်း ရှိပါတယ်။

စိတ်ဓာတ် မကျပါနဲ့ လို့​ ထပ်ပြောချင်ပါတယ်။ ​"ကြွေး​သံတရာက လွတ်မြောက်လမ်း" ကို ဖတ်ပေးပါ။

ကြွေး​သံသရာ ငရဲက လွတ်မြောက်နိုင်ကြပါ​စေ။


ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်