လူလွတ်များ​​နေ့​ရဲ့ ဒုက္ခအိုး

၁၁ လပိုင်း ၁၁ ရက်​​နေ့ကို ​တရုတ်ပြည်မှာ လူလွတ်များ​​နေ့ (Singles’ Day) လို့ သတ်မှတ်ထားပါတယ်။ ၁၁၁၁ ဆိုတာ ၁ ဂဏန်း​တွေပူး​နေတာ ဆို​​တော့ တစ်ယောက်တည်း သမား FA ​တွေကို ကိုယ်စားပြုတယ် ဆိုပြီး​​တော့ပါ။

အစိုးရ ရုံးပိတ်ရက်မဟုတ်​ပေ​မဲ့ အဲဒီ​​နေ့မှာ အွန်လိုင်း ​​ရှော့ပင် ​​​အ​​ရောင်းဆိုင်​တွေက လျှော့ဈေး​တွေချပြီး ​​​အပြိုင်​အဆိုင် ရောင်းကြတာ​​ကြောင့် ဈေး​​ရောင်းသူ​တွေ​ရော ဈေးဝယ်သူ​တွေပါ စိတ်လှုပ်ရှားရ​တဲ့ ​​နေ့ပါ။

ဘယ်လောက်ပဲ ဈေးချတယ် ​ပြော​ပြော ​အမြတ်တင်ထားပြီးသားမို့ အဲဒီ​​နေ့မှာ ​အမြတ်များများရတာက​​တော့ ဈေး​​ရောင်း​တဲ့သူ​တွေပါပဲ။ ​အရှုံး​ခံပြီး​​ရောင်းတယ်ဆိုရင်​​တောင် ဖောက်သည်လိုချင်တာ၊ ​ငွေ​လှည့်ချင်တာ၊ ​ငွေဖြူလိုချင်တာ စသဖြင့် ​အကျိုး​အမြတ် တစ်ခုခုရမှာပါ။

ဈေးဝယ်​တဲ့သူ​တွေထဲမှာလည်း မြတ်သွား​တဲ့သူ​တွေရှိပါတယ်။ ကိုယ် တကယ် လိုအပ်​နေတာ​တွေကို ပုံ​မှန်ဈေး​နဲ့ ​​ရောင်း​နေတုန်းက မဝယ်ပဲ အဲဒီ​​နေ့မှ ဝယ်ရင် ​အထူးလျှော့ဈေး​နဲ့ ဝယ်လို့ရလို့ ​ငွေကုန် သက်သာသွားပါတယ်။ ​အချို့ကလည်း ဒီလို ဈေး​​တော်တာ​တွေ ဝယ်ပြီး ​အမြတ်ယူပြီး တစ်ဆင့် ​ပြန်​​ရောင်းလို့ မြတ်ကြပါတယ်။ သက်တမ်းကုန် ပစ္စည်း​တွေနဲ့ ​​​အရည်​အသွေး မ​​ကောင်းလို့ ရောင်းမထွက်​တဲ့ ပစ္စည်း​တွေ မဝယ်မိဖို့​​တော့ လိုပါတယ်။

အသုံးနဲ့ အဖြုန်း

ရှုံးသွား​တဲ့ သူ​တွေက​​တော့ ​အသုံး​နဲ့ ​အဖြုန်းကို ခွဲခြားမသိပဲ လျှောက်ဝယ်​တဲ့သူ​တွေပါ။ သူတို့​တွေ​က မလိုအပ်​တဲ့ ပစ္စည်း​တွေကို ဈေးချ​နေလို့ဆိုပြီး လျှောက်ဝယ်လို့ပါ။

နှစ်သိန်း​တန် ပစ္စည်းကို ၁ သိန်း​နဲ့ ဈေးချပေး​နေတယ်။ ဝယ်လိုက်ရင် ၁ သိန်းမြတ်ပြီ။ ဒီလိုတွေးပါတယ်။ ​အ​မှန်က ၁ သိန်း မြတ်တာမဟုတ်ဘူး​လေ။ ကိုယ့်အိတ်ထဲက ၁ သိန်းပါသွားတာ။ ပြီး​​တော့ တကယ်လိုအပ်​တဲ့ ပစ္စည်းလည်း မဟုတ်​ပြန်ဘူး။ ​ပြန်​​ရောင်းလို့ တစ်သိန်းထက်ပိုရရင်​​တော့ မြတ်မှာ​​ပေါ့။ ​အများ​အားဖြင့်​​တော့ သုံးပြီးသားကို ​ပြန်​​ရောင်းရင် ရှုံးကြပါတယ်။ 

(ဒါဟာ ကျွန်​​တော်မေးထား​တဲ့ ပ​ဟေဠိ​ရဲ့ ​အ​ဖြေပါပဲ။ https://www.facebook.com/fireflypsk/posts/147044419967175)

ဒီလို ​​အဖြုန်းသမား​တွေ ရှိ​နေပါတယ်။ ပြီး​ခဲ့​တဲ့ ​အပတ်က လူလွတ်များ​​နေ့မှာ ဒီလို ဈေးဝယ်ကြမ်းသွား​တဲ့ မိန်းမ တစ်ယောက်​​ကြောင့် သူ့​ယောကျ်ားခမျာ ​အကြွေး​တွေတင်သွားတာကို စိတ်ဆင်း​ရဲလွန်းလို့ ကိုယ့်ကိုကိုယ် ​သတ်သေ​​ဖို့​​တောင် ကြိုးစား​ခဲ့ပါသ​တဲ့။ တရုတ်ပြည်မှာပါ။ ဪ သူတို့လည်း တရုတ်လို မရှာပဲ ဗမာလို ဖြုန်း​နေကြပါပြီကော။

တရုတ်လိုရှာ အရာလိုစု ဗမာလိုမဖြုန်းနဲ့ https://www.facebook.com/fireflypsk/posts/117571759581108

ဖြစ်ပုံက ဒီလိုပါ။ ​အသက် ၂၉ နှစ် ​အရွယ် အဲဒီမိန်းမဟာ ၁၁၁၁ လူလွတ်များ​​နေ့မှာ ဈေး​တွေ သက်သာလွန်းလို့ဆိုပြီး ​အကြွေးဝယ်ကတ်​တွေကိုသုံးပြီး ​မြန်မာ​ငွေ သိန်း ၆၀၀ ​​ကျော်ဖိုးလောက် တစ်ထိုင်တည်း လိုင်း​​ပေါ်က​နေ ဈေးဝယ်ချလိုက်ပါသ​တဲ့။ ​အမလေးဗျာ။

တစ်လကို ​မြန်မာ​ငွေ ၁၀ သိန်းလောက်ပဲ ဝင်​ငွေရှိတာဆို​​တော့ သူ့​ယောကျ်ား မျက်လုံးပြူးပြီ​​ပေါ့။ ဒီလောက်​အကြွေးကို ဆပ်ဖို့ ​​မလွယ်ဘူး​လေ။ မိန်းမ​နဲ့ ​ရန်ဖြစ်၊ နောက်ဆုံး​​တော့ ​ကြံရာမရဖြစ်ပြီး ၃၃ ထပ် တိုက်​​ခေါင်မိုး ​​ပေါ်က ခုန်ချဖို့ ​လုပ်ပါသ​တဲ့။

ရဲ​တွေရောက်လာပြီး မွေးထား​တဲ့ လူမမည် ကလေးငယ်လေးကို ​​စောင့်ရှောက်ဖို့ ​အသက်​ဆက်ရှင်ပါဦးလို့ ​​ဖျောင်းဖျ​​တော့မှ ​ပြန်ဆင်းလာပါ သ​တဲ့။

​အကြွေး​တွေ​​တော့ ကြိုးစားပြီး ဆပ်ရဦးမှာ​​ပါ။

သူ့မိန်းမက​​တော့ နောက်ဒီလို မဝယ်​​တော့ပါဘူးလို့ ကတိပေးရှာပါတယ်။ ​​စောင့်ကြည့်ရဦးမှာ​​ပေါ့။

​မိန်းမ​တွေ မ​​ကောင်း​​ကြောင်း ​ပြောချင်တာ မဟုတ်ပါဘူး။ ​ယောကျ်ား​တွေမှာလည်း ဒီလို ဖြုန်းတတ်​တဲ့သူ​တွေ ရှိပါတယ်။ ​အရက်၊ ဆေးလိပ်၊ မူးယစ်ဆေး၊ ​​လောင်းကစား၊ မိန်းမကိစ္စ စသဖြင့် ​ငွေကုန်ပေါက်​တွေ များနိုင်ပါတယ်။

လင်ရယ် မယားရယ်လို့ ဖြစ်လာ ရင် တစ်ယောက်​နဲ့တစ်ယောက် ​​ကောင်းတိုင်ပင် ဆိုးတိုင်ပင် နှစ်ဦး သ​ဘောတူ ချင့်ချင့်ချိန်ချိန် လုပ်ကြတာ ​​ကောင်းပါတယ်။ တစ်ဦးတည်း သ​ဘော​နဲ့ လျှောက်မလုပ်ကြပါ​နဲ့။ ကွဲကြ ပြဲကြ ​​ရန်ဖြစ်ကြ​ သတ်​သေဖို့ ကြိုးစားကြ​နဲ့ ကလေး​တွေခမျာ ကြားထဲက ​​မြေစာပင်​တွေ ဖြစ်ရပါတယ်။

နှစ်ဦး သ​ဘောတူ ဖြုန်းလိုက်ကြရင် ဘာဖြစ်မလဲဆိုတာ​​တော့ ဒီ ဗီဒီယိုလေးကိုသာ ကြည့်လိုက်ကြပါ။

https://www.facebook.com/spendwithlaughandloved/videos/441017966553112/

(လင့်ခ်ပို့ ပေး​တဲ့ သူကိုလည်း ကျေးဇူးတင်ပါတယ် ခင်ဗျာ။)

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်