ဖုန်းသစ် လိုချင်တယ်

ခုခေတ် ကျွန်​​တော်တို့​ ​အများစုမှာ လက်ကိုင်ဖုန်း​တွေကိုယ်စီ ရှိကြပါတယ်။

နောက်ဆုံး​​ပေါ် ဖုန်းသစ်လေး​တွေကို ​မြင်ရင် လိုချင်​တဲ့ စိတ်လေး​တွေ ​အရူး​အမူး ဖြစ်ကြပါတယ်။ ဝယ်နိုင်​တဲ့သူ​တွေကလည်း ဖုန်းသစ်လေး​တွေ ထုတ်ထုတ်ကြွား​နေ​​တော့ ပိုပြီး ကလိကလိဖြစ်တာ​​ပေါ့။

တိုက်​တွေကား​တွေက ကိုယ်​တွေ​နဲ့ ဝေး​နေသေးတယ်။ ဖုန်းဆိုတာက ဘာပဲဖြစ်ဖြစ် လက်လှမ်းမှီတဲ့ ​အ​ခြေ​အ​နေဆို​​တော့ စားလည်း ဒီစိတ် အိပ်လည်း ဒီစိတ်​နဲ့ ဖီး​တွေတက် ဝမ်း​တွေပျက် ဖြစ်​နေတာ​​ပေါ့။

လက်ကိုင်ဖုန်းဟာ လက်ရှိမှာ လူမှု ​နေထိုင်ရေး​အတွက် ​မရှိမဖြစ် လိုအပ်​နေတာ ငြင်းလို့ မရ​တဲ့ ​အချက်ပါ။ ဒါပေမဲ့ တစ်ကယ် လိုအပ်တာက ​အရည်​အသွေးမီပြီး ဈေးသင့်တင့်​တဲ့ ဖုန်းလေး​တွေပါ။ ​အ​​ကောင်းစား ဖုန်း​တွေ ကိုင်ချင်တာက လိုအပ်တာမဟုတ်ပဲ လိုချင်တာပါ။

​လက်ရှိကိုင်​နေ​တဲ့ ဖုန်းက သုံးလို့ရ​နေသေးတယ်။ ဒါ​ပေ​မဲ့ အ​​ကောင်းစား ဖုန်း​သစ်လေးတစ်လုံးကို မျက်​​စိကျ​နေပြီ ဆိုပါစို့။ အဲဒီ ဖုန်းကို ဝယ်နိုင် မဝယ်နိုင် ဝယ်သင့် မဝယ်သင့် စဥ်းစား ကြည့်ရအောင်။

(၁) ကိုယ့်မှာ ဆပ်စရာ ​အကြွေး​တွေ မ​ကျေသေးရင် မဝယ်သင့်သေးပါဘူး။ (လုပ်ငန်းမှာ လည်ပတ်​နေလို့ ယူထားရ​တဲ့ ​အကြွေး​တွေကို ​ထည့်တွက်စရာ မလိုပါဘူး။ လုပ်ငန်း​က ရ​တဲ့​အမြတ်က အကြွေး​တွေ​ရဲ့ ​အတိုးထက် များရင်​​ပေါ့။)

(၂) ​အကြွေး​​တော့ မရှိပါဘူး။ ဒါ​ပေ​မဲ့ လက်ထဲမှာ ​ငွေမရှိဘူး။ တစ်ခုခုကို ​​ရောင်းပြီးဝယ်ရမယ်၊ ဒါမှ မဟုတ် ချေးပြီးဝယ်ရမယ်ဆိုရင် မဝယ်သင့်သေးပါဘူး။

(၃) ​အကြွေးလည်း မရှိဘူး။ လက်ထဲမှာလည်း ဖုန်းဝယ်ဖို့ ပိုက်​ဆံရှိတယ်။ ဒါ​ပေ​မဲ့ ​အရေး​​ပေါ် ​ရန်ပုံ​ငွေ ​အသုံးစရိတ် ၃ လစာက​နေ ၆ လစာကြား စု​​ဆောင်းထားတာ မရှိသေးဘူးဆိုရင်လည်း မဝယ် သင့်သေးပါဘူး။

(၄) ​အကြွေးလည်း မရှိဘူး။ အရေး​​ပေါ် ​ရန်ပုံ​​ငွေ အပြင် လက်ထဲမှာလည်း ဖုန်းဝယ်ဖို့ ပိုက်​ဆံရှိတယ်။ ဒါဆိုရင်​​တော့ ဝယ်လို့ရပါပြီ ... လို့ မထင်ပါ​နဲ့ဦး။

(၅) လက်ထဲမှာ အရေး​​ပေါ် ​ရန်ပုံ​ငွေ ​အပြင် ပို​တဲ့ ​ငွေ​ရဲ့ ၅ ပုံ ၁ ပုံ ​(၂၀%) အောက် နည်း​တဲ့ ​ငွေကိုသာ ဖုန်း​အတွက် သုံးသင့်ပါတယ်။ ၈၀ -၂၀ စည်းမျဥ်း​အရ ​ငွေ​ရဲ့ ၂၀% ကို ​အ​​ပျော်​အပါး​ လိုချင်တာ​တွေအတွက် သုံး​တဲ့ သ​​ဘောပါပဲ။

ဥပမာ ​အကြွေးမရှိ၊ လက်ထဲမှာ ​ငွေ သိန်း ၂၀ ရှိတယ်။ တစ်လ ​အသုံးစရိတ် တစ်သိန်း ​အတွက် ၆ လစာ ၆ သိန်းကို နှုတ်ရင် ၁၄ သိန်း ပိုမယ်။ အဲဒီ ၁၄ သိန်းလုံးကို ဖုန်းဝယ်လိုက်တာကို ​အားမပေးပါဘူး။ ပို​ငွေ ၁၄ သိန်း​ရဲ့ ၂၀% ဖြစ်​တဲ့ ၂ သိန်း ၈ ​​သောင်း​တန် ဖုန်းကိုသာ ဝယ်သင့်ပါတယ်။

လက်ရှိဖုန်း ​အစုတ်လေးပျက်သွားလို့ ​ပြန်ပြင်လို့လည်း မရ​​တော့ဘူး။ မဖြစ်မ​နေ ဝယ်ရ​​တော့မယ်ဆိုရင်​​လည်း ဒီနည်း​နဲ့ တွက်ပြီး ဝယ်သင့်ပါတယ်။

ဒါ​ပေ​မဲ့ အဲဒီနည်း​နဲ့တွက်လိုက်လို့ ဝယ်ဖို့ ​အပို​ငွေမရှိဘူးလို့ ​အ​ဖြေထွက်လာရင် ဘဝမှာ ဝင်​ငွေတိုးအောင် ​လုပ်ဖို့ နဲ့ ​အသုံးစရိတ်နည်းအောင် ​ချွေတာဖို့ ပိုကြိုးစားရ​​တော့မယ်လို့ ​အ​ဖြေထွက်ပါတယ်။

အဲဒါဆိုရင်​​တော့ ​လော​လောဆယ်မှာ သူများဆီက ဖုန်း​အ​​ဟောင်းကို ငှါးသုံးတာ ဖြစ်ဖြစ်၊ ကိုယ့်​ရဲ့ အ​ခြေ​ခံ လိုအပ်ချက်​တွေကို ​ဖြည့်ဆည်းပေးနိုင်မယ့် ဈေး​အ​​တော်ဆုံး ဖုန်း​အ​​ဟောင်း တစ်လုံးကို ဝယ်သုံးတာဖြစ်​​ဖြစ် လုပ်သင့်ပါတယ်။ ​ခဏလေး​နဲ့ ပျက်တတ်​တဲ့ ​အရည်​အသွေးညံ့ ဂျင်းဖုန်း​တွေကို​​တော့ ​​ရှောင်ဖို့ လိုပါတယ်။

​အ​​ပေါ်က တွက်နည်းဟာ ဖုန်း​အသစ် ဝယ်ဖို့ ကြိုတင် ​ငွေစုထားခြင်းမရှိ​တဲ့သူ​တွေ ​အတွက်ပါ။ ​

ပို​​ကောင်း​တဲ့ နည်းက​​တော့ ​အကြွေးမရှိရင် ဝင်​ငွေ​ရဲ့ ၃၀% ကို ​အနာဂတ်​အတွက် ​ငွေသခင် ဖြစ်​​ဖို့ ​​နောင်မှာ ရင်းနှီးမြှုပ်​နှံဖို့ စုပါ။ ​ငွေသခင် ​ရန်ပုံ​ငွေ​​ပေါ့။ ​ကျန်​​တဲ့ ၇၀% ထဲက​နေ ​ချွေတာသုံးပြီး တတ်နိုင်သလောက်ကို ဖုန်းသစ်ဝယ်ဖို့ဆို​တဲ့ ​​ခေါင်းစဥ်​နဲ့ ကြိုစု၊ ​ငွေ​ပြည့်မှ ဖုန်း ​အသစ်ဝယ်သင့်တာပါ။ ဒါဆိုရင်​​တော့ ​​ငွေသခင် ​ရန်ပုံ​ငွေထဲက ထုတ်သုံးစရာ မလို​​တော့ဘူး​​ပေါ့။

ဖုန်း​အတွက်သာမက ကား၊ TV စတာ​တွေ မဝယ်ခင်မှာလည်း ​အလားတူနည်း​အတိုင်း တွက်ချက်နိုင်ပါတယ်။

"ဝ" မရှိပဲ "ဝိ" မလုပ်ချင်ပါ​နဲ့။ "ဝိတ်" ရှိလာမှ "ဝိ" လုပ်ကြပါ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်