အဲဒီ့​ဘဏ် ဂျင်း​ဘဏ်

အဲဒီ့​အ​​ကောင့် ဂျင်း​အ​​​​ကောင့်။

လတ်တ​လော ခေတ်စား​နေ​တဲ့ ​ဘဏ်​အ​​ကောင့်လေးတစ်ခု ရှိပါတယ်။

​​ဘဏ်​အ​​ကောင့်ထဲ ထည့်ထား​တဲ့​ငွေကို တစ်နှစ် ၃% ​အတိုးပေးတယ်။ ​အခြား​​ ​ငွေစု​အ​​ကောင့် ​အများစုက တစ်နှစ်ကို ​အတိုး ၈% ပေး​နေချိန်မှာ ​အတိုး ၃% ပဲပေး​တဲ့ ​အ​​ကောင့်က ဘာလို့ ​ရေပန်းစား​နေရတာလဲ။

​အ​ဖြေက​​တော့ ဆုကြေး​ငွေ ​အစီ​အစဥ်​​ကြောင့်ပါ။ တစ်လတစ်ခါ မဲဖောက်ပေးတယ်။ အဲဒီ ဆုကြေးကိုပေါက်ရင် ​ဘဏ်ထဲမှာ ​ထည့်ထား​တဲ့​ငွေ နှစ်ဆတိုးသွားမယ်။ သိန်း ၂၀ ​ထည့်ထားပြီး ဆုကြေးပေါက်ရင် ​ဘဏ်ထဲမှာ ​​နေ့ချင်းညချင်း သိန်း ၄၀ ဖြစ်လာမယ်​​ပေါ့။

​ငွေ​ထည့်ထားတာ ၆ လ​​ကျော်သွားရင် ဆုကြေး ၂ ဆ မဟုတ်​​တော့ပဲ ၃ ဆဖြစ်သွားပါသ​တဲ့။

ရုတ်တရက်ကြည့်ရင်​​တော့ သွားရည်ယိုစရာ​​ပေါ့။ ​ဘဏ်မှာအပ်ထား ​ဘဏ်တိုးစားပြီး ကိုယ့်​ငွေ​တွေ ​​နေ့ချင်းညချင်း ၂ ဆ ၃ ဆ ပွားလာနိုင်​တဲ့ ​အခွင့်​အရေး။

​ပြော​တဲ့သူ​တွေက ​ပြောကြပါတယ်။ ထီမပေါက်ရင်ကမှ ထီဖိုးရှုံးသေးတယ်​တဲ့။ ​ဒီ​အ​​ကောင့်က အတိုး ၃% လည်းရ​နေတာဆို​​တော့ ​အရှုံးမရှိ​တဲ့​အပြင် ​ကံ​​ကောင်းရင် ၂ ဆ ၃ ဆ ရမှာမို့ ထီထိုးတာထက်​​တောင် ​​ကောင်းသေးသ​တဲ့။

သူ့​အရပ်​နဲ့ သူ့​ဇာတ်လိုက်ပါ​​ပေ့။ ​လောဘဟာ လူ​တွေ​ရဲ့ ဆင်ခြင်တုံတရားကို ပျောက်ဆုံး​စေပါတယ်။

​ငွေရေးကြေးရေးပညာ ​အလုံးစုံကို ​​ကျောင်းမှာ သင်မပေး​ပေ​မဲ့ သင်ပေးလိုက်တာလေး​တွေ​​တော့ ရှိပါတယ်။ ​​​ပေါင်းနုတ်မြှောက်စားတို့၊ အတိုးတွက်နည်းတို့၊ ရာခိုင်နှုန်းတို့၊ ကြီးစဥ်ငယ်လိုက်စီပါတို့ တတ်ထားရင်၊ ​သေချာတွက်ကြည့်ရင် ဒီ​အ​​ကောင့်ဟာ ဂျင်း​အ​​ကောင့်ဆို​တဲ့ ​အ​ဖြေထွက်မှာပါ။ သင်္ချာတွက်တတ်ရင်​ ​ဘဝ​အတွက် ​အ​ဖြေမှား​တွေတွက်ချက်မိတာမျိုး​တွေကို ​​ရှောင်နိုင်တာ​​ပေါ့။

​ငွေ ၁၀ သိန်း ​ဘဏ်ထဲမှာ အပ်ထားတယ် ဆိုပါစို့။ တစ်နှစ် ၈% ​အတိုး​နဲ့တွက်ရင် ​အတိုး ၈ ​​သောင်းရမယ်။

ဒီဂျင်း​အ​​ကောင့်​နဲ့ဆို တစ်နှစ် ၃% ​အတိုး​နဲ့ ​အတိုး ၃ ​​သောင်းပဲရမယ်။ ​ပုံ​မှန် ​ဘဏ်​အ​​ကောင့်​နဲ့ယှဉ်ရင် အလကား​နေရင်း တစ်နှစ် ၅ ​​သောင်း ရှုံး​နေပြီ။

အဲဒီ ၅ ​​သောင်းကို တစ်လ ၄ ​​ထောင်ဖိုး ထီထိုးရင်ကမှ သိန်း တစ်​​သောင်းခွဲ ပေါက်ဖို့ ​အခွင့်​အရေးရှိသေးတယ်။ ​ဘဏ်က အပ်​ငွေ​ရဲ့ ၃ ဆထက် ပိုမပေးဘူး။ (ဥပမာ ​ပြောပြတာပါ။ ထီထိုးတာကိုလည်း ​အားမပေးပါဘူး။)

အောင်ဘာ​လေ https://www.facebook.com/fireflypsk/posts/134737584531192

​ဆုကြေး​အတွက် ​ပြန်ပေး​တဲ့​ငွေက ​ဘဏ်အပ်ထား​ငွေ စုစု​​ပေါင်း​ရဲ့ ၂.၅% ​တဲ့။ ၃% ကို လူတိုင်းကို ပေးပြီး ၂.၅% ကို ဆု​​ကြေး​အ​နေ​နဲ့ မဲ​ပြန်ဖောက်ပေးတာပါ။

ဒီ​​တော့ ​ဘဏ်ဘက်က ​ပြန်ကြည့်ရင် ​အတိုး ၃% + ၂.၅% = ၅.၅% ပဲ ​အတိုးပေးတာပါ။ ပုံ​မှန် ၈% ​အတိုးထက် သူက ၂.၅% ဖြတ်စားသွားပြီ။ ​​ဘဏ်​အတွက် မြတ်တာ​​ပေါ့။

ရှုံးသွားတာက ​ငွေစု​တဲ့ ပြည်သူ​တွေ။ ဆုကြေးမပေါက်ရင် ရ​တဲ့​အတိုးက ၃%၊ ​ငွေကြေး​​ဖောင်းပွမှုနှုန်းက ၈% ​​ကျော်ရှိ​​တော့ ရှုံး​နေပြီ။ ဒါကိုမသိပဲ ​အရှုံးမရှိ၊ ​အမြတ်ပဲရှိတယ် လုပ်​နေကြတုန်း။

စုမိတဲ့ ငွေ https://www.facebook.com/fireflypsk/posts/122287969109487

​​လောင်းကစား ဝါသနာပါ​တဲ့လူ​တွေ၊ ​ကံစမ်းချင်​တဲ့လူ​တွေကို နား​လှည့်ပြီး ပါးရိုက်​နေ​တဲ့ မစင်ထုပ် ​​ဘဏ်အ​​ကောင့်။ အဲဒီ မစင်ထုပ်ကို သွားဟပ်မိ​တဲ့ ကျွန်​​တော်တို့က ဘာ​​ကောင်​တွေဖြစ်သွားပြီလဲ။

ဟုတ်​ကဲ့ ဥပ​ဒေ ​​ဘောင်ထဲက​နေ တရားဝင် လုပ်​နေတာပါ။ ဟုတ်​ကဲ့ ​အတိုး ၃% ပဲရ​​ကြောင်းကိုလည်း​အတိ​အလင်း​ ကြေညာထားပါတယ်။ ဒီ​ဘဏ်က​နေပဲ ဒီဂျင်း​အ​​ကောင့်ကို မရွေးပဲ အခြား​ ​ဆုကြေးမပါ​တဲ့ သာ​မန် ငွေစုအ​​ကောင့်တစ်ခုကိုရွေးရင် ​အတိုး ၈% ပေးပါတယ်။ ဒီ​​​​တော့ ​ဘဏ်က ​အပြစ်လွတ်ပါတယ်။ လိမ်ထားတာ တစ်ခုမှ မပါဘူး။ ပွင့်လင်းမြင်သာမှုရှိရှိ ရွေးချယ်ခွင့်ပေးထားပါတယ်။

ဒီ​အ​​ကောင့်ကို ရွေးမိလို့ ​ရသင့်သလောက်မရပဲ ဆုံးရှုံးသွားတာ ရွေးချယ်​တဲ့ လူ​တွေ​ရဲ့ ​အပြစ်လို့ပဲ ပုံချလိုက်ရမလား။

ဘာပဲဖြစ်ဖြစ် တာ​ဝန်သိ​တဲ့ ​ဘဏ်ကြီး တစ်​ဘဏ်​အ​နေ​နဲ့ ဒါမျိုး​တွေကို မလုပ်သင့်ဘူးလို့ ထင်ပါတယ်။ တွက်တတ်​တဲ့သူတွရှိသလို မတွက်တတ်​တဲ့သူ​တွေလည်း ရှိတာ​​ကြောင့် ဆုကြေး​နဲ့ မျှားပြီး ​အတိုးလျှော့ပေးတာ တာ​ဝန်သိရာ မရောက်ဘူးလို့ ​ခံစားရပါတယ်။

ဒါမျိုး မိမိလက်မ​ခံပါ။

အဲဒီ့​ဘဏ် ဂျင်း​ဘဏ်။ အဲဒီ့​အ​​ကောင့် ဂျင်း​အ​​​​ကောင့်။

ကျေးဇူးပါ။ ဟျောင့် ဂျင်း​​ကောင်။

ထွီ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်