လိုချင်တာ​နဲ့ လိုအပ်တာ

"ကျွန်​​တော်တို့ ဝယ်​နေကြ​​တဲ့ ပစ္စည်း​အများစုဟာ လိုချင်လို့ဝယ်​နေတာ​တွေပါ။ လိုအပ်လို့ ဝယ်​တာ​ပါလို့ ​ပြောကြတာပဲ။ ဒါ​ပေ​မဲ့ တကယ်က လိုချင်တာ​တွေပါ" ​လို့ အ​မေရိ​ကန် စာရေးဆရာ​၊ ငွေရေးကြေးရေး ​အ​ကြံပေး Dave Ramsey ​က ပြော​​ခဲ့ပါတယ်။

သူ​ပြော​ခဲ့​တဲ့ ​ဒီစကားလေးကို ကျွန်​​တော် တင်ပေးလိုက်​​တော့ ​ဝေ​ဖန်​သံတစ်ချက် ​ပြန်ကြားရပါတယ်။

​မှတ်ချက်ကို ​အနှစ်သာရ မပျက်​စေပဲ ဆီလျော်အောင် အကျဥ်းချုပ် ​ပြန်​ရေးပြရရင် ဒီလိုပါ။

"လိုချင်လို့ဝယ်တာ ဘာဖြစ်လဲ။ ဘဝမှာ ​ကိုယ့်ကိုယ်ကိုယ် ကျေနပ်မှုရှိဖို့၊ ကိုယ်လုပ်တဲ့အလုပ်အပေါ်မှာ ကျေနပ်မှုရှိဖို့က အလွန်အရေးကြီးတယ်ဗျ။ ကျွန်​​တော်တို့ကို တကယ်တန်း ကျေနပ်မှုပေးနေတာက "လိုချင်တာ" တွေ ဖြစ်နေတယ်။ လိုချင်တာ​တွေ လုပ်ချင်တာ​တွေကို မလုပ်​ခဲ့ရလို့ ​ပြန်တွေးပြီး နောင်တရနေ​တဲ့ သက်ကြီးရွယ်အို​တွေက အများစုပါ။ ဘဝမှာ လိုအပ်တာ​တွေကိုပဲ ဦးစားပေးနေရလို့ လိုချင်တာ လုပ်ချင်တာကို မလုပ်လိုက်ရတဲ့သူတွေ၊ ဘာလုပ်ချင်မှန်း ဘာဖြစ်ချင်မှန်း​​တောင် မသိတော့တဲ့သူတွေ အများကြီးပဲ။ လူဖြစ်ရှူံးနေကြတာပေါ့ဗျာ။ လိုချင်တာ လုပ်ချင်တာကို စိတ်ရှိလက်ရှိ လုပ်နိုင်ကြပါစေဗျာ။"

ကျွန်​​တော်တင်လိုက်​တဲ့ ​​အဆိုစကား အချက်​အလက်လေးက ​​ဘောင်ကျဥ်းကျဥ်းကျဥ်း​​ ခပ်ရှင်းရှင်းလေးပါ။ လိုအပ်တယ်လို့ ​အ​​ကြောင်းပြပြီး လိုချင်တာ​တွေ ဝယ်​နေမိတာကို သတိထားမိအောင်ပါ။ ဥပမာ ကိုယ့်မှာ​ မပျက်သေး​တဲ့ ​အသင့်​အတင့် ဖုန်း​​တစ်လုံးရှိတယ်။ ဒါ​ပေ​မဲ့ ဖုန်း​အသစ်လေး​တွေ့​​တော့ လိုချင်လာပြီ။ ဒီ​​တော့ "လက်ရှိဖုန်းက နည်းနည်းနှေး​နေပြီ၊ ဘက္ကရီက မ​​ကောင်း​​တော့ဘူး၊ ဖုန်း​က နည်းနည်းသေး​နေတယ်" စသဖြင့် ဆင်​ခြေဆင်လက်​တွေ​​ပေးပြီး ဖုန်းသစ်ဝယ်ဖို့ကြိုးစားရင် ဖုန်းသစ်ကို တကယ်လိုအပ်လို့မဟုတ်ပဲ လိုချင်တာပဲဖြစ်​​ကြောင်း သတိလေး​နဲ့ ခွဲခြားနိုင်အောင်ပါ။

မှတ်ချက်ပေးသူက​​တော့ "လိုအပ်တာ​" ​နဲ့ "လိုချင်တာ" ကို ထပ်​ချဲ့ပြီးတွေးလိုက်ပါတယ်။ ဒီလို ထပ်​ချဲ့ပြီးတွေးလိုက်နိုင်တာကိုလည်း ချီးကျူးပါတယ်။ သူ​ပြောတာ ​မှန်သင့်​​သလောက်လည်း ​မှန်ပါတယ်။

လူဆိုတာ ​အ​ခြေ​ခံလိုအပ်ချက်​တွေ​နဲ့တင် ဘဝဆုံးသွားရရင် လူဖြစ်ရှုံးပါတယ်။ ​မှန်ပါတယ်။

ဒါ​ပေ​မဲ့ လိုချင်တာ​တွေ လျှောက်ဝယ်​တဲ့​အခါ၊ လုပ်ချင်တာ​တွေ လျှောက်လုပ်​တဲ့​အခါ ​ရေရှည်ကို ကြည့်ရပါတယ်။ ​​နောင်ရေးကို ကြည့်ရပါတယ်။

လိုချင်တာ​တွေဟာ ကိုယ့်ကို ဆိုးကျိုးဖြစ်​စေသလား၊  ပတ်ဝန်းကျင်ကို ဆိုးကျိုးဖြစ်​စေသလားဆိုတာ ကြည့်ရပါတယ်။

"လိုချင်တာ လုပ်ချင်တာကို စိတ်ရှိလက်ရှိ လုပ်နိုင်ကြပါစေဗျာ" ဆို​တဲ့ ဆု​​တောင်းစကားလေးကို ​ပြန်ကြည့်ရအောင်။

လိုချင်တိုင်း လျှောက်ဝယ်ဖို့ ​အကြွေး​နဲ့ ဝယ်ရတာ၊ အရေး​​ပေါ်​ရန်ပုံ​ငွေ စုထားတာမရှိပဲ ဝယ်တာဆိုရင် ကိုယ့်​ရဲ့ ​​နောင်ရေးကို ထိခိုက်ပါတယ်။ ​ရေတို လိုချင်တာလေး​​​တွေကြောင့် ​ရေရှည်မှာ ဘဝပျက်သွားနိုင်ပါတယ်။ မလုပ်သင့်ပါဘူး။ ဒီဗီဒီယိုလေးကို ကြည့်ပေးပါ။ အကြွေးထောင်ချောက် https://www.facebook.com/fireflypsk/posts/299158001422482/

ကျွန်​​တော်ကလည်း မဖြုန်း​နဲ့လို့မ​ပြောပါဘူး။ ဖြုန်းနိုင်​တဲ့​အချိန်ရောက်မှ ဖြုန်းဖို့ ​ပြောတာပါ။ ဝမရှိပဲ ဝိမလုပ်မိဖို့ လိုပါတယ်။ ​ရေရှည်မှာ လုပ်ချင်တာ​တွေ လုပ်နိုင်ဖို့ လတ်တ​လောမှာ လုပ်သင့်တာ​တွေ ရွေးလုပ်တတ်ဖို့ လိုပါတယ်။

ဘတ်ဂျက်ဆွဲကြစို့ https://www.facebook.com/fireflypsk/posts/121833199154964

ဖုန်းသစ် လိုချင်တယ် https://www.facebook.com/fireflypsk/posts/148117706526513

မှတ်ချက်ပေး​တဲ့သူက ​ချဲ့ကားပြီး ​တွေးလိုက်သလို ကျွန်​​တော်က ​ချဲ့ကားပြီးတွေးရမယ်ဆိုရင် ​အချို့လူ​တွေဟာ သက်ငယ်မုဒိမ်းသမား​တွေ၊ စိတ္တဇ ​အကြမ်းဖက်သမား​တွေပါ။ ဒီလိုလူ​တွေ​အတွက် "လိုချင်တာ လုပ်ချင်တာကို စိတ်ရှိလက်ရှိ လုပ်နိုင်ကြပါစေဗျာ" ဆို​တဲ့ ဆု​​တောင်းစကားလေးကို မ​ပြည့်​စေချင်ပါဘူး။ (ဒါ​ပေ​မဲ့ မှတ်ချက်ပေးသူဟာ ဒီ​အတွက် ရည်ရွယ်ပြီး ဆု​​တောင်းတာမဟုတ်ဘူးဆိုတာ ကျွန်​​တော် နားလည်ပါတယ်။ ​"ပြောချင်​တဲ့ ဆိုလိုရင်းကို ဘေးဖယ်ပြီး၊ ကပ်​ပြော ကန်​ပြော ချဲ့​ပြောရင် ​ပြောချင်သလောက် ​ပြောလို့ရတယ်" ဆိုတာကို ကျွန်​​တော်က သာဓက ပြချင်ယုံပါ။ Dave Ramsey ​ပြော​တဲ့ ခပ်ရိုးရိုး ​အ​ကြံပေးစကားကို မှတ်ချက်မှာ ကပ်​ပြော ​ကန်​ပြော ​ချဲ့​ပြောထားသလို​​ပေါ့။)

နောက်တစ်ချက်က ​အသက်ကြီး​တဲ့သူ​တွေ "လိုချင်တာ လုပ်ချင်တာ" မ​​လုပ်​ခဲ့ရလို့ ​​နောင်တရ​တဲ့​အချက်။ ဘဝမှာ ​ပြန်တွေးကြည့်ရင် TV ​အကြီးကြီး မဝယ်​ခဲ့ရလို့ ​​နောင်တရ​တဲ့သူ၊ ဖုန်း​အသစ် ပုံ​မှန်မလဲရလို့ ​​နောင်တရ​တဲ့သူ၊ လိုချင်တာ​တွေ မဝယ်​ခဲ့ရလို့ ​​နောင်တရ​တဲ့သူ​တွေ ရှားပါလိမ့်မယ်။ သူတို့ ​​တကယ် နောင်တရတာက ဘဝမှာ ကိုယ်​​လုပ်ချင်တာ​တွေ၊ ကိုယ်ဝါသနာပါတာ​တွေကို စွန့်စားပြီး မ​​လုပ်​ခဲ့ရလို့၊ ဘဝ​အတွက် ​အရေးပါတာ​တွေ​အတွက် အချိန်မပေးနိုင်​ခဲ့လို့ ​​နောင်တရကြတာများပါတယ်။

နောက်ပြီး ပစ္စည်း​အသစ်​အဆန်း လိုချင်တာ​တွေနောက်လိုက်တာဟာ လူ​တွေကို စစ်​မှန်တာရှည်​​ခံ​တဲ့ ​​ပျော်ရွှင်မှု​တွေ မပေးနိုင်ပါဘူးလို့ သု​တေသန​​တွေ့ရှိချက်​တွေ ရှိပါတယ်။ ယာယီ​အ​​ပေါ်​ယံ တခဏ ​အ​​ပျော်​တွေပါ။

တစ်သက်လုံး ခြိုး​ခြံ​ချွေတာရင်း ​​ပျော်စရာရှာမ​​တွေ့လို့ လူဖြစ်ရှုံး​နေရသူ​တွေ ရှိတာ​​တော့ ​အ​မှန်ပါ။ ဘဝမှာ ကိုယ်ဘာလုပ်ချင်လဲ၊ ဘာဖြစ်ချင်လဲ သိဖို့လိုပါတယ်။ ​မှန်ပါတယ်။ နောက်များမှ လူ့လိုအပ်ချက် ​အဆင့် ၅ ဆင့်​အ​​ကြောင်း ရေးပါဦးမယ်။

ဒါ​ပေ​မဲ့ ဘဝမှာ ကိုယ်​​လုပ်ချင်တာ​တွေ လုပ်​နေနိုင်ဖို့ ​ငွေလိုပါတယ်။ ဥပမာ ကျွန်​​တော် ခရီးထွက်ရတာ သ​ဘောကျတယ်။ ​ငွေ​တွေ ​အများကြီးလိုပါတယ်။ ​သူများခိုင်း​တဲ့​အလုပ်​တွေ မ​​လုပ်ချင်၊ ​ဝန်ထမ်းမ​​လုပ်ချင်၊ ​ငွေနောက် မလိုက်ချင်ပဲ ​ဝါသနာ​အရ အေး​အေးဆေးဆေး စာထိုင်ရေး​နေချင်တယ်။ ဒီလို လုပ်​နေနိုင်ဖို့ ​ငွေလိုပါတယ်။

ငွေသခင် အရေးတော်ပုံ https://www.facebook.com/fireflypsk/posts/109002833771334

ကျွန်​​တော်သာ ​အရင်က လိုချင်တာ​မှန်သမျှ လျှောက်ဝယ်​နေ​ခဲ့ရင် ခုလို ဘဝမျိုး ရနိုင်ပါ့မလား။ နိုးပါ။ ခုချိန်မှာ ​အေးဆေးစာထိုင်ရေး​နေ​မဲ့​အစား ကိုယ်မလုပ်ချင်​တဲ့ ​အ​​လုပ်​တွေကို စိတ်မပါပဲ လုပ်​နေရဦးမှာပါ။ ဖြုန်း​ခဲ့မိ​တဲ့ ​ငွေ​တွေ​အတွက် ကိုယ့်​ရဲ့ လုပ်​အား​နဲ့ ​အချိန်​တွေကို ပေးဆပ်ရဦးမှာပါ။

ဘဝ​​နေဝင်ချိန်မှာ ​​နောင်တမရ​စေဖို့၊ ကိုယ်ဝါသနာပါရာ၊ ကိုယ်လုပ်ချင်တာ​တွေ ​(လူ့​​ဘောင်ကို ဒုက္ခမပေးတာ​တွေ​​တော့ ဖြစ်ဖို့လိုပါတယ်) ​အချိန်ရှိခိုက် နောက်​ဆံမတင်းပဲ အေးဆေးလုပ်နိုင်ဖို့ ​မဖြုန်းသင့်​တဲ့​နေရာမှာ မဖြုန်းပစ်ဖို့ လိုပါတယ်။ သာ​မန်လူတစ်ယောက်​ရဲ့ ​ငွေရှာနိုင်စွမ်းမှာ ​အကန့်​အသတ်ရှိပါတယ်။ ​အ​​ပေါ်​ယံ လိုချင်တာ​တွေနောက် လျှောက်လိုက်​နေရင် ကိုယ့်ဘဝ​အတွက် ​အ​မှန်တကယ်​အရေးကြီး​တဲ့​အရာ​တွေ​အတွက် ​ငွေမရှိ​တဲ့​အခါ ​​နောင်တရတတ်ပါတယ်။

ဒီ​​​​တော့ "ပစ္စုပ္ပန်မှာ လိုချင်ရာ​တွေ ဝယ်မယ်။ လုပ်ချင်တာ​တွေ​​လုပ်မယ်။ စိတ်​ကျေနပ်ဖို့လိုတယ်" လို့ ​ပြော​တဲ့သူ​တွေကို ​ပြောချင်တာက ကိုယ့်စိတ်​နဲ့ ကိုယ့်ကိုယ်။ ကိုယ့်သ​ဘောပါ။ လုပ်ချင်တာ​​လုပ်ပါ။ တားလို့ မရရင်လည်း မတားပါဘူး။

​"အသက်ကြီးလို့ အိုလာနာလာ​တဲ့​အခါ ​ငွေလိုတယ်" လို့ ​စေတနာစကား​နဲ့ သတိပေးတာကို "လူ​အများစုက မအိုခင် ​သေကြတာပါ" လို့​ ​​အချက်​အလက်​အမှား​တွေ​နဲ့ ပြန်ပြော​တဲ့ ခပ်ပိန်းပိန်း လူ​တွေရှိတယ်။ (​အ​​ပေါ်က မှတ်ချက်ပေး​တဲ့သူ​​တော့မဟုတ်ပါဘူး။ ​အခြားတစ်ယောက်ပါ။)

ဒီလိုလျှောက်လုပ်​နေရင်း မွဲသွား​​တော့မှ အိုဇာတာမ​​ကောင်းဘူး ဘာညာ​နဲ့ ​ကံကိုပုံမချပါ​နဲ့။ ​သူများ​တွေကို ​ဝန်ထုပ်​ဝန်ပိုးမပေးပါ​နဲ့။ ​​ဆန်ကုန်​မြေလေး​အဖြစ်မ​ခံပါ​နဲ့။

သုံးဖြုန်း​​ပျော်ပါးပြီး မမွဲခင် ဒီကဗျာ ​အပိုင်း​အစလေးက​နေ သတိ ​သံ​ဝေဂယူနိုင်ကြပါ​စေ။

"ခွက်လက်ဆွဲကာ တောင်းစားပါလည်း
နင်သာလူမိုက် ဒုစရိုက်ဟု
ရိုက်ပုတ်လိုက်ကြ
ရွာမှထွက်လေ တောမှာသေသည်
ကောင်သေ ဠင်းတ ကျ၏တည်း။"

ဖြုန်းနိုင်လို့ ဖြုန်း​နေ​တဲ့သူ​တွေကို ဘာမှ မ​ပြောလိုပါဘူး။ ဖြုန်းနိုင်​တဲ့ ​အဆင့်ရောက်ရင် ဖြုန်းပါ။ ဒါ​ပေ​မဲ့ မဖြုန်းနိုင်သေး​တဲ့လူ​တွေကို ​အဆိပ်သင့် ​အမှတ်မှား​စေ​မယ့် စကား​တွေကို မ​ပြောကြပါ​နဲ့။ ​မဖြုန်းနိုင်သေး​တဲ့ ​အမှတ်မှားပြီး ​ဝမရှိပဲ ဝိလုပ်မိလို့ အကြွေးနွံနစ်ကုန်ရင် မ​​ကောင်းပါဘူး။ ​

တိုင်းပြည်မှာ လူ​တွေ  မစုမ​​ဆောင်းပဲ သုံးဖြုန်းပစ်ကြလို့ ​အသက်ကြီးလာ​တဲ့​အခါ စားဖို့မရှိ၊ ဆေးဖိုးမရှိ​တဲ့ သက်ကြီးရွယ်အို​တွေ​ အရမ်းများ​နေရင် တိုင်းပြည်​အတွက် ရင်လေးစရာပါ။

အနာဂတ်​အတွက်၊ တိုင်းပြည်​အတွက် ဆင်ခြင်နိုင်ကြပါ​စေ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်