အကွက်​မြင်တဲ့ ဇက်​ကာဘတ်

ကျွန်​တော်တို့ ​ဖေ့စ်ဘွတ်ခ် သုံး​နေတိုင်းမှာ ​​ဖေ့စ်ဘွတ်ခ် တည်​​ထောင်သူ မာ့ခ်ဇက်​ကာဘက် ​ငွေ​တွေ ရ​နေပါတယ်။ ဘယ်လိုများ ရ​နေတာပါလိမ့်။

*******************
အိပ်​နေရင်း ဝင်တဲ့​ငွေ
*******************

​ဒီတစ်ခါ ​ဖေ့စ်ဘွတ်ခ်သုံးရင် သတိထားကြည့်လိုက်ပါ။ ကိုယ့်သူငယ်ချင်း​တွေ (သို့) ကိုယ် Like လုပ်ထားတဲ့ ​ပေ့ချ်​တွေရဲ့ ပို့စ်​တွေ ၄ ခု​လောက် ​ပေါ်လာပြီးတိုင်းမှာ ​ကြော်ငြာပို့စ် တစ်ခုဝင်ပါတယ်။

​သေချာကြည့်ပါ။ ပုံ​မှန် ပို့စ်​တွေမှာ ​​နာမည်​အောက်မှာ ဘယ်တုန်းကတင်ထားတာလဲဆိုတဲ့ ​အချိန်ရက်​စွဲ​လေး ပါပါတယ်။

​ကြော်ငြာ ပို့စ်​တွေမှာ​တော့ ​​နာမည်ရဲ့ အောက်မှာ Sponsored (စပွန်ဆာ ​ကြော်ငြာ) လို့ ပြ​ပေးထားပါတယ်။ ​ဖေ့စ်ဘွတ်ခ်မှာ ကိုယ်ကြည့်​နေတဲ့ ၂၀% ဟာ ​ကြော်ငြာ​တွေ​ပေါ့။ ဖေ့စ်ဘွတ်ခ်​အ​နေ​နဲ့ ဒီလို ​ကြော်ငြာ​တွေက​နေ ​​​​​ဝင်​​ငွေရနေတာပါ။

​ဖေ့စ်ဘွတ်ခ်ကို လူသုံးများတဲ့​အတွက်​​​ကြောင့် လုပ်ငန်းရှင်​တွေကလည်း ကိုယ့်ပစ္စည်းနဲ့ ​ဝန်​ဆောင်မှု​တွေကို လူသိများဖို့ ​ပေ့ချ်​တွေ​​ထောင်ပြီး ​ကြော်ငြာတာ​တွေ လုပ်လာကြပါတယ်။ ကိုယ့်​ပေ့ချ် ကိုယ့်​​ပို့စ် ​တွေကို လူများများဆီ ​ရောက်​စေချင်ရင် ​ဖေ့စ်ဘွတ်ခ်ကို ​ငွေပေးရပါတယ်။

ကျွန်​တော်တို့ ​ဖေ့စ်ဘွတ်ခ်သုံး​နေတုန်းမှာ မာ့ခ်ဇက်​ကာဘက်​က သူအိပ်​နေရင်​​တောင် ​ငွေရ​နေတယ်​ပေါ့။ မိန်းမနဲ့ က​လေးနဲ့ အိမ်မှာနှပ်​နေရင်လည်း သူ​ငွေရ​နေမှာပဲ။ ခရီးသွား​နေလည်း ​ငွေရ​နေတယ်။ သူ ​ဖေ့စ်ဘွတ်ခ်မှာ ဆက်​မလုပ်​တော့ပဲ ​အခြားသူကို လွှဲ​ပေးလိုက်ရင်​​တောင် သူဟာ ​ဖေ့စ်ဘွတ်ခ် ရှယ်ယာ​တွေ​ အများကြီး ပိုင်တဲ့​အတွက်​ ကုမ္ပဏီက ​အမြတ်​ငွေ​တွေ ​အချိုးကျ သူ့ဆီ ​ရောက်​နေမှာပဲ​လေ။

​အရမ်း​​ကောင်းတဲ့ ​ငွေရှာနည်းပါပဲ။

လုပ်ငန်းလုပ်တဲ့အခါ ​အလုပ်မှာ ကိုယ်ရှိ​နေမှ ဖြစ်မယ်ဆိုတဲ့ လုပ်ငန်းထက်​ ကိုယ် ​အလုပ်မှာ မရှိလည်း ​အမြတ်​ငွေ​တွေ ကိုယ့်ဆီ​ဝင်​နေနိုင်တဲ့ လုပ်ငန်းက ပို​​ကောင်းပါတယ်။ ဒါမှလည်း ကိုယ်လုပ်ချင်တာလုပ်ဖို့ သွားချင်တဲ့​နေရာသွားဖို့ စိတ်သွားတိုင်း ကိုယ်ပါနိုင်မှာပါ။ ကိုယ်မရှိရင်မဖြစ်လို့ ​အလုပ်မှာ ​အကျဥ်းကျ​နေသလို ​ခံစား​နေရရင် မ​ဟန်ပါဘူး။ ​​

အလုပ်မလုပ်ရရင် မ​နေနိုင်လို့၊ ဝါသနာပါလွန်းလို့၊ ​အလုပ်လုပ်​နေရရင်ကို ​​ပျော်​နေလို့ အလုပ်ကို ​​နေ့တိုင်းသွား​နေတာဆိုရင်​​တော့ တစ်မျိုး​​ပေါ့။ ဒီလိုမှမဟုတ်ရင်​​တော့ ကိုယ့်မှာ လက်​ရှိ ကိုယ်ပိုင် စီးပွား​ရေးလုပ်ငန်းရှိရင် ​ပြန်သုံးသပ်ရမှာက လုပ်ငန်းမှာ ကိုယ်က မရှိမဖြစ် ​အ​ခြေ​အ​နေလား၊ မရှိလည်း ဖြစ်တဲ့ ​အ​ခြေ​အ​နေလား ဆိုတာပါ။ မရှိလည်း ဖြစ်တဲ့ ​အ​နေ​အထားကို ​ရောက်​အောင် ကြိုးစားသင့်ပါတယ်။

ကဲ ​ပြောချင်တာက ခုမှ စပါတယ်။

********************
တင်တဲ့စာတိုင်း မမြင်ရ
********************

ပေ့ချ်တစ်ခုမှာ ​​ပေ့ချ်ကို Like လုပ်ထားတဲ့သူ အ​ယောက် တစ်​​ထောင်ရှိတယ်ဆိုပါစို့။ ​ပေ့ချ်က​နေ ပို့စ်တစ်ခု တင်လိုက်ရင် Like လုပ်ထားတဲ့သူ​တွေထဲက ပျမ်းမျှ ၆% ​လောက်ကပဲ အဲဒီပို့စ်ကို မြင်ရ​အောင် ​ဖေ့စ်ဘွတ်ခ်က ထိန်းချုပ်ထားပါတယ်။ ​ဖော်လိုဝါ တစ်​​ထောင်ရှိရင် ​တင်ထားတာ​တွေကို အ​ယောက် ၆၀ ​​လောက်ရဲ့ ဝေါ​ပေါ်မှာ မြင်ရမယ်​ပေါ့။

ဒီ့ထက်​လူပို​တွေ့​စေချင်လား။ ​ငွေ​ပေးပြီး ​ကြော်ငြာပါ။ ဒီလို​လေး ထိန်းချုပ်ထားပါတယ်။ ကိုယ့်​ပေ့ချ်ကို Like လုပ်ထားပြီးသားသူ​တွေကို ပစ်မှတ်ထားပြီး ​ကြော်ငြာလို့လည်း ရပါတယ်တဲ့။ ဝင်​ငွေရ​ပေါက်ရလမ်းကို ဒီလိုထွင်ထားတာပါ။ ​အကွက်​မြင်တယ်လို့ ဆိုရမှာ​ပေါ့။

ခုကျွန်​တော့် ​ပေ့ချ်မှာ Like တစ်သိန်းကျော်ရှိ​ပေမဲ့ တင်တဲ့ စာကို ​​တွေ့တာ ပုံ​မှန်ဆို လူ ခြောက်ထောင်​လောက်ပဲ ရှိပါတယ်။ ဒါ့​​ကြောင့် ကိုယ့် ​ဝေါ​ပေါ်မှာပဲကြည့်ရင် ပုံ​မှန်​အားဖြင့် ကျွန်​တော် ​နေ့တိုင်း တင်​နေသမျှစာ​တွေကို မ​တွေ့နိုင်ပါဘူး။ ​Share လုပ်ပြီး မျှ​ဝေတဲ့သူ​တွေ များမှသာ လူပို​တွေ့တာပါ။ ဒါ့​​ကြောင့် Share လုပ်ပြီး မျှ​ဝေတဲ့သူ​တွေကိုလည်း ​အထူး​ကျေးဇူးတင်ပါတယ် ခင်ဗျာ။

***********************
တင်သမျှ မလွတ်ရ​အောင်
***********************

ဒီ​ပေ့ချ်က တင်တဲ့စာကို ဖြစ်ဖြစ် ​အခြား ကိုယ်ကြိုက်တဲ့ ​ပေ့ချ်က တင်တာ​တွေကိုဖြစ်ဖြစ် ​မလွတ်တမ်း ဖတ်ချင်ရင်​တော့ See First လုပ်ထားဖို့ လိုပါတယ်။

ဒါဆိုရင်​တော့ ကိုယ့်​ဝေါ​ပေါ်မှာ အဲဒီ ​ပေ့ချ်က တင်သမျှ​တွေ ​အားလုံး ​ပေါ်မှာပါ။ (သိထားပြီးသူ​တွေ များ​ပေမဲ့ မသိ​သေးသူ​တွေ သိရ​အောင်ပါ။)

ဒီ​ပေ့ချ် ကို See First လုပ်ချင်ရင်​တော့

(၁) ​ပေ့ချ်ရဲ့ ပင်မစာမျက်​နှာကို သွားဖို့ ဒီ အင်္ဂလိပ်စာတန်းကို နှိပ်ပါ။ https://www.facebook.com/fireflypsk/

(၂) ညာဘက်​ ​အ​ပေါ်​​ထောင့်က လက်​မပုံကို နှိပ်ပြီး Like လုပ်ပါ။

(၃) "Send Message” ​ဘေးက ​အစက်​ သုံးစက်​ ... ကိုနှိပ်ပါ။

(၄) "Following" ကို နှိပ်ပါ။

(၅) "See First" ကို ​ရွေးပါ။

ဒီလိုလုပ်ထားမယ်ဆိုရင်​တော့ တင်သမျှ ပို့စ်​တွေကို မလွတ်တမ်း ​တွေ့ရမှာပါ။

​See First လုပ်ပုံ အဆင့် ၅ ဆင့်ကို ဓာတ်ပုံ​တွေနဲ့လည်း ပြထားပါတယ်ခင်ဗျာ။ Android ဖုန်း​တွေမှာ လုပ်လို့ရပါတယ်။ iPhone ဆိုရင်​တော့ App နဲ့ လုပ်လို့မရလို့ See First လုပ်ဖို့ App မသုံးပဲ Web Browser က​နေ ဝင်ပြီး လုပ်ရမှာပါ။

ဒါမှ မဟုတ်ရင်လည်း https://www.facebook.com/fireflypsk/ ကို နှိပ်ပြီး တင်ထားတဲ့ စာ​တွေကို ဝင်ကြည့်လို့ ရပါတယ်။

စဖတ်ဖို့ရာ မာတိကာ https://www.facebook.com/fireflypsk/posts/123816512289966  ပို့စ်က​နေ ကိုယ်ဖတ်ချင်တာကို ရှာဖတ်လို့ ရသလို ဆက်​လက်​၍ ဖတ်​ရန်ဆိုပြီး ​အ​ကြံပြုထားတာ​တွေကို နှိပ်ပြီး ​ရေးထားသမျှစာ​တွေကို စာအုပ်ဖတ်သလို ​အစီ​အစဉ်လိုက်လည်း ဖတ်သွားလို့ရ​အောင်လည်း စီစဉ်​ပေးထားပါတယ်။

စာဖတ်ပျင်း​တဲ့သူ​တွေ​အတွက်လည်း ဗီဒီယိုလေး​တွေလုပ်ပြီး တင်ပေး​နေပါပြီ။

See First လုပ်ထားတဲ့သူ​တွေ ​အားလုံးကိုလည်း ​ကျေးဇူး ​အထူးတင်ပါတယ် ခင်ဗျာ။

ဟိုက်... See First လုပ်ဖို့ ​ရေးသာ​ရေးရတယ်။ ဒီ ပို့စ်ကိုလည်း See First မလုပ်ထားတဲ့သူ​တွေ ​တွေ့ဖို့ သိပ်မလွယ်ဘူးဆို​တော့ ဂွမ်းပြီ​ပေါ့။ ​ကံထူးရှင် ၆% ​တော့ မြင်မှာ​ပေါ့။ ပို့စ်ကို လူပိုမြင်​အောင် Boost လုပ် ​ငွေကုန်​ခံပြီး ​ကြော်ငြာဖို့ ​တိုက်တွန်းဦးမယ်ထင်ပါရဲ့။ ​အကွက်​မြင်ပါ​ပေ့ ကိုဇကာ​ပေါက်​ရေ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်