စီးပွားရေးလုပ်ငန်းရှင်ဖြစ်မှ ချမ်းသာမှာလား

လူ​အများစု​​က​ပြောကြပါတယ်။ "စီးပွားရေး လုပ်​ငန်းရှင်ဖြစ်မှ ကြွယ်ဝချမ်းသာမယ်။ ​​သူများ ဝန်ထမ်းလုပ်​နေရင်​​တော့ မချမ်းသာနိုင်ဘူး" ​တဲ့။

ရောဘတ် ကီရိုဆာကီ ​ကလည်း ရေး​ခဲ့ပါတယ်။ ESBI မှာ (E) Employee ​အလုပ်သမား ​တွေ​နဲ့ (S) Self-Employed တစ်ပိုင်တစ်နိုင် ကိုယ်ပိုင်လုပ်ငန်း လုပ်ကိုင်သူ​တွေဟာ (B) Business Owner စီးပွား​ရေးလုပ်ငန်းရှင်​တွေ​နဲ့ (I) Investor ရင်းနှီးမြှုပ်​နှံသူ​တွေ ဖြစ်အောင် ကြိုးစားသင့်ပါတယ် ​တဲ့။

ESBI စိုင်းစိုင်း https://www.facebook.com/fireflypsk/posts/130934121578205

လူ​တွေက ကြွယ်ဝချမ်းသာဖို့ဆိုရင် စီးပွားရေးလုပ်ငန်းရှင် ဖြစ်ဖို့ လိုတယ်လို့ ထင်ကြပါတယ်။

ဒါဟာ ​မှန်သင့်သလောက်​မှန်​ပေ​မဲ့ ​အလုံးစုံ​​တော့ မ​မှန်ပါဘူး။ စီးပွားရေး လုပ်ငန်းရှင်တစ်ယောက်ဖြစ်လာရင် ချမ်းသာဖို့ ​အခွင့်​အလမ်း​တွေပိုများလာတာ ​မှန်ပါတယ်။ ဒါ​ပေ​မဲ့ ​မကျွမ်းကျင်​တဲ့ စီးပွားရေးလုပ်ငန်းကို သွားလုပ်မိရင် ​အရင်းပြုတ်ရုံမက ကြွေးနွံပါ နစ်သွားနိုင်တယ်ဆိုတာကို သတိပြုမိဖို့လိုပါတယ်။ 

လခစားလား စီးပွားလား https://www.facebook.com/fireflypsk/posts/140404770631140

လူ​​အ​များစုက ESBI ကို  E->S->B->I ဒီလို တစ်ဆင့်ချင်းဆီ တက်သွားရမယ်လို့ ​အထင်ရောက်ကြပါတယ်။ အလုပ်သမား​အဆင့် (E) က​နေ တစ်ပိုင်တစ်နိုင် ကိုယ်ပိုင်လုပ်ငန်း လုပ်ကိုင်သူ​​အဆင့် (S)၊ ဒီက​နေတစ်ဆင့် စီးပွား​ရေးလုပ်ငန်းရှင်​အဆင့် (B) ကိုသွားပြီး​​တော့မှ ရင်းနှီးမြှုပ်​နှံသူ​​အဆင့် (I) ကို ကူးရမယ်လို့ ထင်ကြပါတယ်။ ​
​
အ​မှန်က​​တော့ E/S ဘက်ခြမ်းက​နေ B/I ဘက်ခြမ်းကို ​အရောက်ကူးဖို့ က ​အဓိကပါ။ ​အဆင့်​အားလုံးကို ဖြတ်စရာ မလိုပါဘူး။

E/S သမား​တွေဟာ စီးပွားရေးသမား (B) ​အဆင့်ကို မလုပ်ချင်ရင်လည်း တစ်ဆင့်​​ကျော်ပြီး (I) ရင်းနှီးမြှုပ်​နှံသူ​အဆင့်ကို တန်းသွားလို့ ရပါတယ်။

သာ​မန် ဝင်​ငွေ အရမ်းနည်း​တဲ့ ​​ဝန်ထမ်း​တွေ၊ ဝင်​ငွေနည်း​တဲ့ တစ်ပိုင်တစ်နိုင် ကိုယ်ပိုင်လုပ်ငန်း လုပ်ကိုင်သူ​တွေက​​တော့ ရင်းနှီးမြှုပ်​နှံသူ​​အဆင့် (I) ကို ကူးဖို့ အဆင်မ​ပြေပါဘူး။ ဝင်​ငွေများ​တဲ့ ​အလုပ်ကို ​အရင်ရှာရမှာပါ။ ဝင်​ငွေများ​တဲ့​အလုပ်ဟာ E, S, B တစ်မျိုးမျိုး ဖြစ်​နေရင် ရပါပြီ။

ဥပမာ ဝင်​ငွေ​​ကောင်း​တဲ့ ​ဝန်ထမ်း​တွေ၊ ​အနုပညာသမား​တွေ၊ အားကစားသမား​တွေ ရှိပါတယ်။ သူတို့ကို စီးပွါးရေးလုပ်ငန်းရှင်ဖြစ်မှ ချမ်းသာမယ်လို့ သွား​ပြောလို့ မရပါဘူး။ ​​

ဥပမာ နှစ်စဥ် ဒေါ်လာ သန်းချီပြီး ဝင်​ငွေရှိ​တဲ့ ​​အားကစားသမား​တွေဟာ စီးပွားရေး လုပ်ငန်းရှင်​တွေမဟုတ်ပါဘူး။ ​ဝန်ထမ်း​တွေလို့ ​အကြမ်းဖျင်း သတ်မှတ်လို့ရပါတယ်။ ဒါ​ပေ​မဲ့ သူတို့ဟာ သာ​မန် စီးပွားရေးလုပ်ငန်းရှင်​တွေထက် ဝင်​​​ငွေ ပို​​ကောင်းနေပါပြီ။

သူတို့ကို စီးပွားရေးလုပ်ငန်းရှင်မဟုတ်လို့ဆိုပြီး ရှုံ့ချပုတ်ခတ်စရာ မလိုပါဘူး။ ကျွမ်းကျင်ရာ လိမ္မာပြီးသားသူ​တွေပါ။ စီးပွားရေး မလုပ်တတ်လည်း ကိစ္စမရှိပါဘူး။ ဝင်​ငွေကို ​ချွေတာစု​​ဆောင်းပြီး ရင်းနှီးမြှုပ်​နှံမှု​တွေလုပ်တတ်ရင် ရပါပြီ။

စီးပွားရေးလုပ်ငန်းရှင်ပဲဖြစ်ဖြစ်၊ ​ဝန်ထမ်းပဲဖြစ်ဖြစ် ​ရ​တဲ့ဝင်​ငွေထက်ပိုပြီး သုံးဖြုန်း​နေမိရင်​​တော့ ဘဝပျက်တတ်ပါတယ်။

အောင်မြင်ကျော်ကြား လူမွဲများ https://www.facebook.com/fireflypsk/posts/198518388153111/

ဝင်​ငွေ​​ကောင်း​တဲ့ ​ဝန်ထမ်း​တွေဟာ စီး​ပွားရေး လုပ်ငန်း​တစ်ခု ထူ​​ထောင်ကွပ်ကဲတာနဲ့ဆိုင်​တဲ့ ပညာရပ်​တွေကို တတ်​​နေစရာ မလိုပါဘူး။ ​လုပ်ငန်းရှင်ဖြစ်ဖို့ မလိုပါဘူး။ အသုံး​အဖြုန်းမကြမ်းဖို့၊ စု​​ဆောင်းတတ်ဖို့​နဲ့ ​​ရင်းနှီးမြှုပ်​နှံတတ်ဖို့ပဲ လိုပါတယ်။ ​ပြောရရင်​​တော့ စီးပွား​ရေးလုပ်ငန်းရှင်​အဆင့် (B) ကို​​ကျော်ပြီး ရင်းနှီးမြှုပ်​နှံသူ​​အဆင့် (I) တိုက်ရိုက်သွားလို့ ရတယ်​​ပေါ့။

သူတို့​တွေ​အတွက်​​တော့ စီးပွားရေးလုပ်ငန်းတစ်ခု ထူ​​ထောင်​နေစရာမလိုပဲ စုမိတဲ့​ငွေကို အိမ်​ခြံ​မြေ၊ ယာဉ်၊ စ​​တော့ဈေးကွက် စ​တဲ့​နေရာ​တွေမှာ ရင်းနှီးမြှုပ်​နှံထားနိုင်ပါတယ်။

စုမိ​ငွေကို ဘယ်လိုပွားမလဲ https://www.facebook.com/fireflypsk/posts/248560093148940/

​ဒီလို ​အေး​အေးဆေး​​ဆေး ရင်းနှီးမြှုပ်​နှံထားလို့ ရပါလျက်​နဲ့ စွန့်စွန့်စားစား စီးပွားရေးလုပ်မိလို့ ဆုံးရှုံးသွား​ခဲ့ရသူ​တွေရှိပါတယ်။

မာ့ခ်တွိန်းရဲ့ အရှုံး https://www.facebook.com/fireflypsk/posts/156002222404728/

မင်းသားကြီးရဲ့ ဘဝတိုက်ပွဲ https://www.facebook.com/fireflypsk/posts/255268039144812/

စွန့်စွန့်စားစားမလုပ်​နဲ့လို့ ​ပြောတာမဟုတ်ပဲ ချင့်ချိန်နိုင်ကြဖို့ ​ပြောတာပါ။

သေမြေကြီး ရှင်ရွှေထီး https://www.facebook.com/fireflypsk/posts/256579539013662/

ငွေဘယ်လောက်ရှိမှ ကြွယ်ဝချမ်းသာတယ်လို့ ​​ဆိုနိုင်မယ် ဆိုတာက​​တော့ ကုန်ဈေးနှုန်းရယ်၊ လူတစ်ယောက်ချင်းစီ​ရဲ့ ​ခံယူချက်​ရယ်၊ ​လောဘရယ်​နဲ့သာ သက်ဆိုင်တာ​​မို့ ပုံ​သေ​​တော့ ​ပြောလို့မရပါဘူး။
လူတစ်ယောက်​နဲ့တစ်ယောက်​ ကြွယ်ဝချမ်းသာမှုသတ်မှတ်ချက် မတူညီကြပါဘူး။ ​အရမ်းကြီး ချမ်းသာချင်​တဲ့သူ​တွေရှိသလို ​အထိုက်​အသင့် ကြွယ်ဝရင် ​​ကျေနပ်ကျ​တဲ့သူ​တွေလည်း ရှိပါတယ်။

၃၀၀ ရှိရင် ငွေသခင် https://www.facebook.com/fireflypsk/posts/123431182328499

ဖူလုံမှု နံပါတ် https://www.facebook.com/fireflypsk/posts/146226580048959

ဒီ​​တော့ ​ဝန်ထမ်းဘဝ၊ လခစားဘဝမှာ ဝင်​ငွေ​​ကောင်း​နေတယ်၊ ဝင်​ငွေ​ရဲ့ ရာခိုင်နှုန်း ​အ​​တော်များများကိုလည်း စုမိတယ်၊ ​ငွေ​​ရေးကြေးရေး​အ​​ကြောင်း နားလည်တယ်၊ စု​​ဆောင်းထား​တဲ့​ငွေကိုလည်း ရင်းနှီးမြှုပ်​နှံတတ်တယ်ဆိုရင် စီးပွားရေးလုပ်ငန်းရှင် မဟုတ်လည်း ကြွယ်ဝချမ်းသာလာနိုင်​​ကြောင်း၊ ​​ပျော်ရွှင်စိတ်ချမ်းသာရ​တဲ့ ဘဝမျိုးကို ပိုင်ဆိုင်နိုင်​​ကြောင်းကိုလည်း သတင်း​​ကောင်းပါးလိုက်ပါတယ်။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်