သားသမီး ပင်စင်

ကျွန်​တော်တို့နိုင်​ငံမှာ မိရိုးဖလာ ယဉ်​ကျေးမှု​အရ ​အသက်​ကြီးလာတဲ့ မိဘ​တွေကို သားသမီး​တွေက ​​စောင့်​ရှောက်ကြပါတယ်။ လုပ်​ကျွေးကြပါတယ်။

မိဘ​တွေကလည်း သူတို့သားသမီး​တွေ ကြီးလာရင် သူတို့ကို ​​စောင့်​ရှောက်မှာပဲ လို့ ​မျှော်လင့်ကြပါတယ်။ သားသမီး​တွေကို စုဘူး​လေး​တွေလို့​​တောင် တင်စားကြပါတယ်။ စုမိတာဆိုလို့ သားသမီး​တွေပဲ ရှိတာကိုး။ သားသမီး​တွေကို​ကျွေး​မွေးတာ ပညာသင်​ပေးတာ သူတို့ ​အတွက်​ ရင်းနှီးမြှုပ်​နှံမှုပဲ။ သားသမီး​တွေ ​အတွက်​ဆိုရင် ရှိတာကုန်ချင်လည်း ကုန်ပါ​စေ။ ​အသက်​ကြီးလာရင် သူတို့ ​ပြန်လုပ်​ကျွေးကြမှာပဲ​လေ။

​ဒါကို ကျွန်​တော်က သားသမီးပင်စင်လို့ ​ခေါ်ချင်ပါတယ်။ ဒီ ပင်စင်လစာ ​​ကောင်းမ​​ကောင်း၊ အိုဇာတာ ​​ကောင်းမ​​ကောင်းက သားသမီး​တွေ ​အ​​ပေါ် မူတည်​နေပါ​တယ်။ သားသမီး​တွေက ​ကျေးဇူး သိတတ်ဦးမှ၊ သိတတ်တယ် ဆိုရင်​​တောင် သားသမီး​တွေ​က ​ပေးနိုင်ကမ်းနိုင်​၊ ​​စောင့်​ရှောက်ထားနိုင်တဲ့ ​အ​ခြေ​အ​နေရှိဦးမှ၊ သားမက်​တွေ ချွေးမ​​တွေက ကြည်ဖြူဦးမှပါ။ ​

အချင်းချင်း တွက်ကပ်​နေ​တဲ့ သားသမီး​တွေ ရှိပါတယ်။ မိဘကို မသထာ​တဲ့ သားသမီး​တွေ ရှိပါတယ်။ ယူထား​တဲ့ ဇနီးခင်ပွန်းတွေကို ကြောက်​နေရလို့ မိဘကို ​လှည့်မကြည့်နိုင်​တဲ့ သားသမီး​တွေ ရှိပါတယ်။ မိဘကို ထောက်​ပံ့ချင်ပါလျက်​နဲ့ မ​ပြေလည်ပဲ ဆင်း​ရဲ​နေ​တဲ့ သားသမီး​တွေ ရှိပါတယ်။

​အ​တော်​လေးကို ရင်​မောရတဲ့ ပင်စင်ပါ။ အာမ​ခံချက်​ မရှိပါဘူး။ ​​လောင်းကစားလုပ်​နေရသလိုပါပဲ။

​အခ​မဲ့ ဘိုးဘွားရိပ်သာမှာ သွား​နေမှာ​​ပေါ့လို့ ​အလွယ်​ပြောလို့ရ​ပေ​​မဲ့ ကိုယ်​အသက်ကြီးလာ​တဲ့​အချိန်ရောက်ရင် ​သက်ကြီးရွယ်အို​တွေ​အတွက် အခ​​မဲ့ ဘိုးဘွားရိပ်သာ​တွေ ​အလုံ​အလောက်ရှိမရှိ မ​သေချာလှ​ပြန်ပါဘူး။

ကိုယ်တိုင်စု​​ဆောင်းထား​တဲ့​ငွေရှိရင်​​တော့ ကျန်းမာရေး​နဲ့ စားရေးသောက်ရေး​အတွက် ဘယ်သူ့မျက်နှာမှ ကြည့်​နေစရာ မလို​​တော့ဘူး​​ပေါ့။ သားသမီးမရှိလို့၊ သားသမီးမ​​ကောင်းလို့ဆိုပြီး မျက်နှာငယ်စရာ သိပ်မလိုပါဘူး။ ​ငွေတတ်နိုင်ရင် ကိုယ့်ကို ပြုစု​​စောင့်ရှောက်မယ့်သူကို ​အခကြေး​ငွေပေးပြီး ငှါးထားနိုင်ပါတယ်။ သိတတ်​တဲ့ သားသမီး​တွေ ​​စောင့်ရှောက်တာလောက် မနွေးထွေးနိုင်​ပေ​မဲ့၊ မသိတတ်​တဲ့ သားသမီး​တွေ​လောက်​​တော့ မပူ​​လောင်တာ ​အ​မှန်ပါ။ ဝမ်းရေး​အတွက် နောက်​ဆံတင်းစရာမလိုပဲ လှူနိုင်တန်းနိုင်၊ တရားရှာနိုင်မှာပါ။

ကျွန်​တော်ဟာ မိဘကို ​လုပ်​ကျွေး​​စောင့်​ရှောက်​နေ​ပါတယ်။ လုပ်​ကျွေးခွင့်ရလို့လည်း ​အတိုင်းမသိ ဝမ်းသာမိပါတယ်။ ဒါ​ပေမဲ့ ကျွန်​တော် ဒီလိုပြုခဲ့တဲ့ ​ကုသိုလ်ကံ​တွေ​​ကြောင့် ကိုယ့်​အ​လှည့်ကျရင် ကိုယ့်သားသမီး​တွေက ​ပြန်​​စောင့်​ရှောက်လိမ့်မယ်လို့ တစ်ထစ်ချ မတွက်​ထားပါဘူး ခင်ဗျာ။ ​​

အသက်​ကြီးလာရင်လိုအပ်မယ့် ကျန်းမာ​ရေး၊ စား​ဝတ်​နေ​ရေး စတဲ့ ကုန်ကျ​ငွေ​တွေ​အတွက်​ ကိုယ်တိုင် စု​​ဆောင်းထားပါတယ်။ သားသမီး​တွေကို မ​မျှော်ကိုး​တော့ပါဘူး။ အိုဇာတာ ​​ကောင်းမ​​ကောင်း ​​အနာဂတ်ကို သားသမီး လက်​ထဲ မအပ်ပဲ ကိုယ့်လက်​ထဲပဲ ကိုယ် အပ်ထားပါတယ်။ ​ကိုယ့်ကြမ္မာကိုယ်​ဖန်တီးဖို့ ပြင်ဆင်ထားပါတယ်။

ကိုယ့် သားသမီးတွ ​အဆင်မ​ပြေလို့ ဖြစ်ဖြစ်၊ မသိတတ်လို့ဖြစ်ဖြစ် ဒုက္ခ​ရောက်​​တော့မှ အိုဇာတာ မ​​ကောင်းတဲ့ ငါပါလား၊ ​ကံဆိုးလှတဲ့ ငါပါလားလို့ ငိုကြီးချက်​မ မဖြစ်ရ​လေ​အောင် ကိုယ့်​​နောင် ​ရေး​အတွက်​ စဉ်းစားကြ​စေလိုပါတယ်။

စုထား​​ဆောင်းထားတာ မရှိ​သေးရင် ခုချိန်ကစပြီး စုသင့်ပါပြီ။

​အထူးသဖြင့် လူငယ်​တွေကို ​ပြောချင်တာက ကိုယ့်ကို ​အရွယ်​ရောက်တဲ့ထိ ပြုစု ပျိုး​​ထောင် ​ကျွေး​မွေး ပညာ သင်​ပေးထားတဲ့ ​အနန္တ ​ကျေးဇူးရှင် မိဘ​တွေကို ​ပြန်ပြီး ပြုစု​​စောင့်​ရှောက်ခွင့်ရတာ ​ဝမ်းသာပီတိ ဖြစ်ဖို့ ​​ကောင်းပါတယ်။ ဒါ​​ကြောင့် မိဘ​တွေကို တစ်​ဖန်​ပြန်ပြီး ​ကျေးဇူးဆပ်ကြပါ။

ဒါ​ပေမဲ့ ကိုယ့်​အ​လှည့်ကျရင်​တော့ သားသမီးပင်စင်ကို ​အားမကိုးပဲ ကိုယ့်​​နောင်​ရေး​အတွက်​ ကိုယ်ကိုယ်တိုင် ကြိုတင် ရှာ​ဖွေစု​​ဆောင်းထားကြပါလို့ တိုက်တွန်းချင်ပါတယ်။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်