ချဲထိုးကြသူများ

နှစ်လုံးသုံးလုံး ချဲထီထိုးတယ် ဆိုရင်​တော့ ​ငွေသခင်ဖြစ်ဖို့ ​ဝေး​နေ​သေးတယ်လို့ ​ပြောပါရ​စေ။

"အို ချဲ​ပေါက်မှ ငါတို့ ဘဝ ချမ်းသာလာမှာ​ပေါ့ကွ။ ချမ်းသာစရာ ​အခြားနည်းမှ မရှိတာ" လို့ ​​စောဒကတက်​ချင်လည်း တက်​နိုင်ပါတယ်။ ကိုယ့်ပတ်ဝန်းကျင်မှာ ချဲထိုးပြီး ချမ်းသာသွားတဲ့ သူဘယ်နှစ်​ယောက်များရှိလို့လဲ ဆိုတာ ကြည့်​ပြီးမှ ​စောဒက တက်​ပါ​တော့ ခင်ဗျာ။

တစ်မြို့လုံးနီးပါး ချဲထီနဲ့မကင်းတဲ့ နယ်မြို့​လေးမှာ ကျွန်​တော့်ကို​မွေးပါတယ်။ ​​လောင်းကစားဆိုတာ ဥပ​ဒေနဲ့မကင်းတဲ့ ​အရာပါလားလို့​​တောင် သိဖို့ခဲယဉ်းရ​လောက်​အောင် လူတိုင်း ချဲထီနဲ့ ယဉ်ပါး​နေကြတဲ့ မြို့လေးပါ။ ထိုးသူ၊ ​​ရောင်းသူ၊ ဒိုင်ကိုင်သူ ​တွေနဲ့ စည်ကားလှပါတယ်။ ​

ဈေးဖိုး​လေးကိုင်ပြီး ထိုးကြတယ်။ မ​ပေါက်ရင် ​ရေ​သောက် ဗိုက်​မှောက်၊ ဒါမှမဟုတ် ​နေ့ပြန်တိုးနဲ့ ​ချေးစား​ပေါ့။ ​ပေါက်ရင်​တော့ ဟင်း​​ကောင်း​လေးဝယ်စား၊ ​နောက်​နေ့​အတွက်​ ​အောဖို့ တုတ်ရပြီဆိုပြီး ​​ပျော်​နေကြသူ​တွေရယ်ပါ။ လွယ်လွယ်ရ လွယ်လွယ်​ပြန်ကုန်ပါတယ်။ ​နောက်ဆုံး ချမ်းသာသွားတဲ့သူ​တွေက​တော့ ချဲထီဒိုင်​တွေနဲ့ ​အကျင့်ပျက်​ရဲ​တွေပဲဖြစ်ပါတယ်။ (​အကျင့်မပျက်​တဲ့ ရဲ​တွေ မပါပါဘူးခင်ဗျာ။)

ချဲထိုးလို့ ချမ်းသာသွားတဲ့ သူ မမြင်ဖူး မကြားဖူးပါဘူး။ ​ကံ​​ကောင်းလွန်းလို့ ထိုးတိုင်း မကြာခဏပေါက်​နေ​တဲ့သူ​တွေက​​တော့ ခြွင်းချက်​​ရှိချင်​​ရှိမှာပေါ့။

ကိုယ် တစ်သက်​လုံး ထိုးခဲ့တဲ့ ချဲထီဖိုး​တွေကို ​​ပြန်တွက်​ကြည့်လိုက်ပါ။ ​ချေးပြီး ထိုးတာဆိုရင်​တော့ ​အတိုးကို ​ထပ်​​ပေါင်းလိုက်ပါဦး။ ဘယ်​လောက်​​တောင် များ​နေပြီလဲ။

​ငွေသခင် ဖြစ်ချင်တဲ့ သူ​တွေဟာ ​အ​​ချောင်ရချင်တဲ့ စိတ်ဓာတ်ကို ပယ်ရပါမယ်။ ထီ​ပေါက် ချဲ​ပေါက်မှာကို ​မျှော်လင့်​နေမဲ့​အစား ကိုယ့်ကိုယ်ကိုယ်ပဲ ​အားကိုးလိုက်ပါ။ စိတ်ကူးယဉ်​နေမဲ့​အစား လက်​​တွေ့ကျကျ စဉ်းစားလိုက်ပါ။ ချဲထိုးမဲ့​အစား ​အ​ကြွေးဆပ်လိုက်ပါ။ ​ငွေစုလိုက်ပါ။ ရင်းနှီးမြှုပ်​နှံမှု တစ်ခုခုထဲ ​ထည့်လိုက်ပါ။

ထီတို့ ချဲတို့ဟာ ဆင်းရဲသားလူတန်းစား​တွေ ​အတွက်​ ​အပို​ဆောင်ရတဲ့ ​အခွန်လို့ ဆိုရိုးရှိပါတယ်။ ​အစိုးရက ​ကောက်တဲ့ ​အခွန်ကို မ​ပေးချင်ကြ​ပေမဲ့ ချဲထီက ​ကောက်တဲ့ ​အခွန်ကို​တော့ ​ပေါက်မလားဆိုတဲ့ ​မျှော်လင့်ချက်​​လေးနဲ့ ထိုး​နေ ​ပေး​နေကြသူ​တွေဟာ ​အ​ခြေ​ခံလူတန်းစားတွေ များပါတယ်။

​ငွေသခင် ဖြစ်ချင်ရင်​​တော့ ချဲထီ​နဲ့ ​လောင်းကစား​အားလုံးကို ဒီ​နေ့ပဲ စွန့်လွှတ်လိုက်ပါလို့ တိုက်တွန်းလိုက်ပါတယ် ခင်ဗျာ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါ​စေ ခင်ဗျာ။

ဆက်​လက်​၍ ဖတ်​ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်