ကိုသီဟ​ရဲ့ နိဂုံး

ကျွန်​​တော် ပြီး​ခဲ့​တဲ့လက လူတစ်ယောက် လိမ်စား​နေ​​​တဲ့​အကြောင်း သတိပေး ပညာပေး​တဲ့ စာတစ်ပုဒ် ရေး​ခဲ့ပါတယ်။

အဲဒီဆောင်းပါးရေးတုန်းက ကျွန်​​တော် လူလိမ်​ရဲ့ ​အ​​ကောင့် နာမည်ကို တိုက်ရိုက် ဖွင့်မ​ပြော​ခဲ့ပါဘူး။ အရင်တုန်း​ကလည်း လူလိမ်​အ​ဖွဲ့​တွေကို နာမည်တပ် မရေး​ခဲ့ပါဘူး။

ဘာလို့လဲဆို​​တော့ ဒီလူ၊ ဒီ​အ​ဖွဲ့ဟာ လူလိမ်ဆိုပြီး ​လှေ​နံဓားထစ်မှတ်တာထက် ​အခြားခပ်ဆင်ဆင် လူလိမ်​တွေ​အားလုံးကို ရှောင်ရှားနိုင်အောင်လို့ပါ။ နောက်တစ်ချက်က လူတစ်ဦးတစ်ယောက်၊ ​အ​ဖွဲ့ တစ်​ဖွဲ့​ဖွဲ့​နဲ့ တုဖက်ပြိုင် တရားစွဲ​နေဖို့၊ ​ရန်ဖြစ်​နေဖို့ ကျွန်​​တော် ​အချိန်မပေးချင်လို့ပါ။ ​​​ကျွန်​​တော့်​ရဲ့​အချိန်​တွေကို သူတို့​နဲ့ ဖက်ပြိုင် ​ရန်ဖြစ်​နေမယ့်​အစား စာဖတ်သူ​တွေ​အတွက်​ ​အကျိုးရှိမယ့် စာ​တွေရေးရတာကို ပို​အား​သန်လို့ပါ။

ဒါ​ပေ​မဲ့ ဒီ​​တစ်ယောက်က​​တော့ ကျွန်​​တော်ရေးထား​တဲ့ ​​ပို့စ်အောက်မှာ မှတ်ချက်​တွေ လာရေးပြီးစိန်​​ခေါ်ပါတယ်။ ကျွန်​​တော်​ပြော​တဲ့စကားကို တာ​​ဝန်ယူရဲလား၊ လကုန်လို့ သူ့ဆီမှာ ​ငွေ​ထည့်ထား​တဲ့သူ​တွေကို ​အမြတ်ခွဲပေးရင် ကျွန်​​တော် ​ပြန်​​တောင်း​ပန်နိုင်မလားဆိုပြီး စိန်​​ခေါ်လာပါတယ်။ ​ပြန်​​တောင်း​ပန်မှာလည်း မဟုတ်ပါဘူး၊ ကျွန်​​တော်တို့လူမျိုး​တွေ​ရဲ့ စိတ်ဓာတ်​နဲ့​အကျင့်က ဘာဖြစ်တယ် ညာဖြစ်တယ်​နဲ့ သူခိုးက လူ​ပြန်ဟစ်ပါသေးတယ်။

ဒါ​နဲ့ ကျွန်​​တော်လည်း သူ့​အ​​​​ကောင့်ကို တိုက်ရိုက်ဖွင့်ချပြပြီး "ကိုသီဟသို့ အိတ်ဖွင့်ပေးစာ" ဆိုပြီး ​ပြန်​ချေပ​ခဲ့ပါတယ်။

ဒီလိုရေး​​တော့လည်း ကျွန်​​တော့်​​ပို့စ် အောက်မှာ ရှက်ရမ်းလာရမ်း​ပြန်ပါတယ်။ ​အ​ပြော​နဲ့ မဟုတ်ပဲ ​အလုပ်​နဲ့ပဲ သက်​သေပြမယ့်​အ​​ကြောင်း၊ ကျွန်​​တော့်လို ​​ဖော်လိုဝါ တစ်သိန်းလောက်ပဲရှိ​တဲ့ ပါမွှား​​ပေ့ချ်က ​ပြောတာမို့ ​အချိန်ယူပြီး မ​ဖြေရှင်းချင်​​ကြောင်း၊ လုပ်ငန်း​အ​​ကြောင်း နားမလည်ပဲ နည်းနည်းလေးသိ​တဲ့​အသိ​​နဲ့ ထင်ရာမြင်ရာလျှောက်​​ပြော​နေ​​ကြောင်း ဘာညာ​နဲ့ မှတ်ချက်ပေးလာပါတယ်။ ကျွန်​​တော် ရေး​နေ​တဲ့စာ​တွေဟာ စာဖတ်ပြီး ရေးထားတာမို့ ရေးရတာလွယ်​​ကြောင်း၊ လက်​​တွေ့ မသိပဲ လျှောက်ရေး​နေတာ ဖြစ်​​ကြောင်းလည်း ​ပြောထားပါသေးတယ်။ ​

ဆင်းရဲ​တဲ့​အသိုင်း​အဝိုင်းက​နေ ပေါက်ဖွားလာပြီး ကိုယ်တိုင် ​ပင်ပင်ပန်းပန်း ငွေရှာ​ခဲ့လို့ ငွေသခင်ဖြစ်လာ​ခဲ့​တဲ့ ကျွန်​​တော်ဟာ လက်​​တွေ့​ငွေရှာ​ခဲ့ပြီးမှ စာ​တွေ ရေး​နေတာဖြစ်​​ကြောင်း၊ သူလျှောက်လိမ်​နေ​တဲ့ ​ငွေပမာဏလေး​တွေဟာ ကျွန်​​တော့်​အတွက်​​တော့ ရယ်စရာ ပမာဏလေးသာ ဖြစ်​နေ​​ကြောင်း၊ ​​ဖော်လိုဝါ ​နည်းတာများတာထက် ကျွန်​​​​တော့်​​ပေ့ချ်က စာ​တွေ​​ကြောင့် လူဘယ်နှစ်ယောက် ​အကျိုးများသွား​လဲဆိုတာကိုပဲ ​အလေးထား​​ကြောင်း ကျွန်​​တော် ​ပြန်မ​ပြော​ဖြစ်ခဲ့ပါဘူး။ လိုရင်းတိုရှင်း ဒီလိုလေးပဲ ​ပြန်​ဖြေ​ခဲ့ပါတယ်။

​"ရေပက်​မဝင် စကား​တွေ ​ပြော​နေမဲ့​အစား ​လော​လောဆယ် ဒါ​လေးသာ လုပ်​ပေးပါ။

(၁) Live လွှင့်ပြပါ (​​စောင့်​နေဆဲ) - လက်​ရှိမှာ​တော့ ​အရင်က လိမ်ပြီး တင်ထားတဲ့ ဓာတ်ပုံ​တွေကို ​တိတ်တိတ်​လေး ​ပြန်ဖျက်​​နေတာ​တွေ့ရပါတယ်။

(၃) လုပ်ငန်း​အ​​ကြောင်း CB ကို လာရှင်းပြ​ပါ။ စောင့်​နေပါတယ်။ ခုထိ​တော့ မလာ​သေးဘူး​။

(၄) ကျွန်​တော်​ရေးထားတဲ့ ပို့စ် Link နှစ်ခုကို ကိုသီဟ wall မှာ တင်မ​ပေးရ​သေးဘူး​နော်။ စောင့်​နေပါတယ်။

ဒါ​လေး​တွေ မလုပ်ရ​သေးပဲ ပုတ်ခတ်တဲ့စကား​တွေ လာ​ပြော​နေတာကို ကျွန်​တော်က မမှုဘူး ခင်ဗျ။ ကျွန်​တော်က ​အေး​ဆေး။"

သူဟာ Live လည်း လွှင့်မပြသလို ကျွန်​​တော့်ကိုလည်း CB/messenger မှာ မဆက်သွယ်လာ​ပါဘူး။ ကျွန်​​တော် ရေးထား​တဲ့ စာနှစ်ပုဒ်ကို သူ့​အ​​ကောင့်မှာ တင်ပေးပြီး ပွင့်လင်းမြင်သာမှုရှိရှိ ​ချေပဖို့ဆိုတာ​​တော့ ​ဝေလာဝေး​​ပေါ့။

ဒီလို​နဲ့ လမကုန်ခင် ​​မေလ ၂၃ ရက်မှာပဲ လကုန်စာရင်းရှင်းတမ်းဆိုပြီး သူ့​အ​​ကောင့်မှာ ရေးတင်ပါတယ်။ ဒီကြားထဲမှာ မိုးကြီး​လေကြီး​တွေလည်း ရေးတင်ပါသေးတယ်။

ပြီး​​တော့ သိပ်မကြာပါဘူး။ ​သူ့အ​​ကောင့်ပျောက်သွားတယ် ခင်ဗျ။ ရှာမ​​တွေ့​​တော့ဘူး။ ကျွန်​​တော်က သူ ချူဆီလေး​ထည့်ပြီး ဆက်လိမ်ဦးမှာလို့ထင်ထားတာပါ။ သူ့ ​အ​​ကောင့်ကို ​​စောင့်ကြည့်ပါ၊ ​အ​​ကောင့်ဖျက်မပြေးပါဘူးလို့ အာမ​ခံထား​ခဲ့တာကိုး။

ခုလို ချက်ချင်းကြီး ပျောက်သွားတာ ငွေ​ထည့်ထား​တဲ့သူ​တွေက ​ငွေ​ပြန်​​တောင်းကြလို့​လား၊ သူထင်ထားသလို ​ငွေ​ထည့်ချင်​တဲ့သူ​တွေ ထပ်မတိုးလာ​​တော့လို့လား၊ ​အခြား​အ​​ကြောင်း​​ကြောင်း​​ကြောင့်လား​​တော့ ကျွန်​​တော်မသိပါဘူး ခင်ဗျ။

​ငွေ​ထည့်လိုက်မိ​တဲ့သူ​တွေ ဘယ်လိုဆက်ဖြစ်ကုန်ကြ​လဲဆိုတာကိုလည်း သိ​တဲ့သူ​တွေ ပြောပေးကြပါဦး။

ကျွန်​​တော် သတိရသလောက် screenshot ​တွေ လုပ်ထားတာလေး​တွေကိုလည်း ဒီပို့စ်​နဲ့​အတူ ​ပြန်တင်ပေးလိုက်ပါတယ်။ ​အားလုံး​အ​ပြည့်​အစုံ​​တော့ မကူးထားမိပါဘူး။

Screenshot ပုံ​တွေထဲမှာ ဖိလစ်ပိုင်မင်းသား​​တစ်ယောက်​ရဲ့ပုံကို သူ့ပုံလိုလို​နဲ့ ​ရောချပြီး ​ရန်ကုန်က Lotte Hotel မှာပဲရောက်​နေသလိုလို​နဲ့ လိမ်ပြီးတင်ထား​တဲ့ပုံ​၊ group ​တွေထဲဝင်ပြီး ငပိန်းဖမ်း လူ​​ခေါ်​နေ​တဲ့ ပို့စ်၊ ​အမြတ်များကြောင်း ​အ​ပြော​​ကောင်း​​ကောင်း​နဲ့ လိမ်ထားတာ​တွေ၊ သူကိုယ်တိုင်က ​အ​​ကောင့်တုသုံး​နေပြီး သူ့ကို ​ဝေ​ဖန်​တဲ့သူကိုကျ​​တော့ ​အ​​ကောင့်စစ်မသုံးထားလို့ ​အ​​ကောင့်စစ်​နဲ့ ဆက်သွယ်ခိုင်းတာ​တွေ၊ ​​လိမ်​နေမှန်းသိလို့ ​ဝေ​ဖန်​တဲ့သူကို လေ့လာ​အားနည်းတယ်ဆိုပြီး နှိမ်ထားတာ​တွေ၊ ကျွန်​​တော့်ပို့စ် ​အောက်မှာ သူဝင်ရေးထား​တဲ့ မှတ်ချက်​အချို့၊ သူခိုးလူဟစ်ထားတာ​တွေ စသဖြင့် ​​​တွေ့ရမှာပါ။

လွန်​ခဲ့​တဲ့ ၃ နှစ်လောက်က ဘစ်ကွိုင်မိုင်းတူးလို့ရတာကို သူက​ပြောပြ​​တော့ ကွန်ပျူတာ ဆရာဆရာမ​တွေက သူ့ကို မယုံလို့​တဲ့။ ကျွန်​​တော့်ကို လာ​ပြောပါလား။ ယုံမှာ​​ပေါ့။ ​အ​မှန်ပဲကို။ ဘစ်ကွိုင်မိုင်းတူးခြင်း​ရဲ့ ​အကျိုး​အပြစ်​တွေကိုပါ ​ပြန်​ပြောပြလိုက်မှာ​​ပေါ့။ ဒါ​ပေ​မဲ့ ဘစ်ကွိုင်မိုင်းတူးလို့ရတယ်ဆိုတာကို ယုံတိုင်း သူ့ဆီမှာ ​ငွေတစ်သိန်းခွဲထည့်ထားရင် ၉ လ​အကြာမှာ ၄၁ သိန်း​​ကျော်မြတ်မယ်ဆိုတာကို ယုံလိုက်ရမှာလား။ နိုးပါ။ သပ်သပ်စီပါခင်ဗျ။ ဘာမှ မဆိုင်ဘူး။ ​လူ​တွေကို ​အလိမ်မ​ခံရအောင် သတိပေးတာကို​​တောင် အဆိုးမြင်သမား​တွေရှိလို့ တိုင်းပြည်မတိုးတက်တာဆိုပဲ။ ​ပြောတတ်ပါ​​ပေ့ ကိုသီဟ​ရေ။

ယုံချင်စရာ ​အ​ပြော​​ကောင်း​​ကောင်း​နဲ့ ​ဖော​​ရှောရိုက်ထားတာ​တွေကို ​​တွေ့ရမှာပါ။ ​အ​ပြော​​ကောင်းတိုင်း မယုံသင့်​​ကြောင်း သင်ခန်းစာ​တွေမို့ တင်ပေးလိုက်တာပါ။ ခု​​တော့ ​အ​​ကောင့်ဖျက်ပြီး ပျောက်ခြင်းမလှ ပျောက်သွားပြီ။

​လောကမှာ ကိုသီဟလို လူလိမ်​တွေများလှတာ​​ကြောင့် ယုံသင့်မယုံသင့်ကို ​သတိ​နဲ့ သေချာချင့်ချိန်ကြပါလို့ ​ပြောချင်ပါတယ်။ ဒီလူကလည်း နောက်ထပ် နာမည်တစ်မျိုး နောက်ထပ်လိမ်နည်းတစ်မျိုး​နဲ့ လိုင်း​​ပေါ်မှာ ထပ်လိမ်နိုင်သေးတာ​​ကြောင့် ​အထူးသတိထားကြပါခင်ဗျာ။

​​တော်သေးပြီ။

ဆက်​လက်​၍ ဖတ်​ရန် 
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်