၃၀၀ ရှိရင် ​ငွေသခင်

​ငွေသခင်ဖြစ်ဖို့ ဥစ္စာဓန ဘယ်​လောက်လိုလဲ ဆိုတာကို တွက်ချင်ရင်တော့ တစ်လ ​အသုံးစရိတ်ကို ၃၀၀ နဲ့ သာ ​မြှောက်ပါခင်ဗျာ။

တစ်လ ​အသုံးစရိတ်က တစ်သိန်းဆိုရင် ​ငွေသခင်ဖြစ်ဖို့ သိန်း ၃၀၀ လိုပါတယ်။ တစ်လ ​အသုံးစရိတ်က သိန်း ၃၀ ဆိုရင်​တော့ ​ငွေသခင်ဖြစ်ဖို့ သိန်း ၉၀၀၀ လိုပါတယ်။ အသုံးစရိတ်ထဲမှာ ခရီးသွားဖို့၊ ကျန်းမာ​ရေး၊ သာ​ရေးနာ​ရေး စတဲ့ စရိတ်​တွေကိုပါ ပျမ်းမျှချပြီး ​ထည့်တွက်​ထားရမှာပါ။

ဘာလို့ ၃၀၀ နဲ့ ​မြှောက်ရသလဲဆို​တော့ တစ်နှစ်​အတွက်​ ရင်းနှီးမြှုပ်​နှံမှု​တွေကရတဲ့ ​စုစု​​ပေါင်း ပျမ်းမျှ အမြတ်​ငွေကို ၄% နဲ့တွက်​ထားလို့ပါ။

ဥပမာ တစ်လ ၁ သိန်း လိုတဲ့သူက သိန်း ၃၀၀ ရင်းနှီးမြှုပ်​နှံမှု​တွေ ​​လုပ်ထားရမယ်​ပေါ့။ သိန်း ၃၀၀ ရဲ့ တစ်နှစ် ​အမြတ်​ငွေ ၄% ဟာ ၁၂ သိန်း ပါ။ ဒါဆို တစ်လ ၁ သိန်း သုံးလို့ရပါပြီ။

​ငွေ​အားလုံးကို တစ်​နေရာတည်းမှာ ရင်းနှီးမြှုပ်​နှံထားတာမျိုး မဟုတ်ပဲ ​​နေရာ​အမျိုးမျိုးမှာ ခွဲပြီး မြှုပ်​နှံသင့်ပါတယ်။ ရင်းနှီးမြှုပ်​နှံမှုလုပ်ငန်းတစ်ခုဟာ အ​​ကြောင်း​​ကြောင်း​​ကြောင့် ထင်သ​လောက် ​အမြတ်မရရင် (သို့မဟုတ်) လတ်တ​လော ​အရှုံး​ပေါ်​နေရင် ​အခြား ရင်းနှီးမြှုပ်​နှံမှု​တွေက​နေ ​ထေမိကာမိ ​အောင်ပါ။ ​​

အ​ခြေ​အ​နေ​နဲ့ ​အချိန်​အခါ​​ပေါ် မူတည်ပြီး အချို့ ရင်းနှီးမြှုပ်​နှံမှု​တွေက တစ်နှစ် ၄% မက ရတတ်ပြီး ​အချို့​ရင်းနှီးမြှုပ်​နှံမှု​တွေက​​တော့ တစ်နှစ်ကို ၄% ရချင်မှ ရပါလိမ့်မယ်။

ကိုယ့်​ရဲ့ ရင်းနှီးမြှုပ်​နှံမှု​တွေဟာ ယေဘုယျ​အားဖြင့် ​ပျမ်းမျှ​အ​​နေ​နဲ့ ငွေ​ကြေး​​ဖောင်းပွမှုနှုန်းကို ကာမိတဲ့​အပြင် ​အပို​​ဆောင်း ၄% မြတ်​နေရမှာပါ။ ​​အမြတ်​ငွေက ၄% ထက် ပိုရ​နေရင်လည်း အဲဒီ​ငွေ​တွေကို ​အကုန်မသုံးပစ်ပဲ ၄% ကိုပဲ ပုံ​မှန်သုံးပြီး ​ကျန်တာကို ​ငွေပင်​ငွေရင်းထဲ ​ပြန်​ထည့်ထားသင့်ပါတယ်။

ဒီနည်း​နဲ့ဆို ကိုယ့်​ရဲ့ ​ငွေပင်​ငွေရင်းကလည်း ပျောက်ပျက်သွားတာ၊ လုံးပါးပါးသွားတာမျိုး ဖြစ်နိုင်​ခြေနည်းပါတယ်။ ​​ငွေ​ကြေး​​ဖောင်းပွမှုနှုန်းကို ကာမိတဲ့​အပြင် တစ်နှစ်ကို ၄% မက ​အမြတ်ရအောင် ရင်းနှီးမြှုပ်​နှံထားနိုင်​တဲ့သူ​တွေ​အတွက်​ဆိုရင်​​တော့ ​ငွေပင်​ငွေရင်းဟာ တစ်နှစ်ထက်တစ်နှစ် ပို​​​​တောင် ပွားများလာဦးမှာပါ။ ​ငွေပင်ကြီးက​နေ ​ငွေသီး​တွေသီး​နေ​တဲ့​အပြင် ​ငွေပင်ကြီးကလည်း တစ်နှစ်ထက်တစ်နှစ် ပိုပိုကြီးထွားလာ​တဲ့ သ​ဘောပါပဲ။

အားလုံး ကိုယ်စိတ် နှစ်ဖြာ ကျန်းမာ ချမ်းသာကြပါစေ ခင်ဗျာ။

ဆက်လက်၍ ဖတ်ရန်
ပိုးစုန်းကြူး ငွေးကြေးဆိုင်ရာ ဗဟုသုတ 

Credit: 
Firefly ပိုးစုန်ကြီး Personal Blog Page မှကူးယူထားသည်